ദേശീയ പണിമുടക്ക്: മാർച്ചും ധർണയും നടത്തി

കോട്ടയം: കേന്ദ്ര-സംസ്ഥാന സർക്കാറിന്‍റെ തൊഴിലാളിവിരുദ്ധ നയങ്ങൾക്കെതിരായ ദ്വിദിന ദേശീയ പണിമുടക്കിന്‍റെ ഭാഗമായി ട്രേഡ് യൂനിയൻ കോഓഡിനേഷൻ കമ്മിറ്റി കോട്ടയം ഹെഡ് പോസ്റ്റ്​ ഓഫിസിലേക്ക് മാർച്ചും ധർണയും നടത്തി. ടി.യു.സി.ഐ സംസ്ഥാന സമിതി അംഗം ശശിക്കുട്ടൻ വാകത്താനം ഉദ്ഘാടനം ചെയ്തു. എഫ്​.ഐ.ടി.യു ജില്ല പ്രസിഡന്‍റ്​ ബൈജു സ്റ്റീഫൻ അധ്യക്ഷത വഹിച്ചു. കോഓഡിനേഷൻ കമ്മിറ്റി ജില്ല ചെയർമാൻ സണ്ണി മാത്യു മുഖ്യപ്രഭാഷണം നടത്തി. ഇബ്രാഹീം അസെറ്റ്​ ചെയർമാൻ, സിയാദ് എം.എ സംസ്ഥാന വൈസ് പ്രസിഡന്‍റ്,​ കാറ്ററിങ്​ ആൻഡ് ഹോട്ടൽ വർക്കേഴ്സ് യൂനിയൻ എഫ്​.ഐ.ടി.യു, ജലാലുദ്ദീൻ മുണ്ടക്കയം ബിൽഡിങ് ആൻഡ് കൺസ്ട്രക്ഷൻ വർക്കേഴ്സ് യൂനിയൻ എഫ്​.ഐ.ടി.യു, ബാബു കണ്ണാംപുറം സംസ്ഥാന ജനറൽ സെക്രട്ടറി കെ.ഇ.സി.എസ്​.ഡബ്ല്യു.എ, ജീമോൻ ജോസഫ് ജില്ല ട്രഷറർ കെ.എസ്​.സി.ഡബ്ല്യു, യൂസഫ് ഹിബ സംസ്ഥാന സമിതി അംഗം ഷോപ്പൻ ഹോവർ എസ്റ്റാബ്ലിഷ്​മെന്‍റ്​ വർക്കേഴ്സ് യൂനിയൻ എഫ്​.ഐ.ടി.യു എന്നിവർ സംസാരിച്ചു.