മുഖ്യമന്ത്രിയുടെ പുരസ്കാരം നേടിയ ദർശനക്ക്​ അനുമോദനം

പൊൻകുന്നം: 2020-21 അധ്യയനവർഷത്തിൽ മുഖ്യമന്ത്രിയുടെ സ്റ്റുഡന്‍റ്സ് എക്സലൻസ് പുരസ്കാരം നേടിയ ദർശന ദിനേശിനെ ഡി.വൈ.എഫ്.ഐ അനുമോദിച്ചു. കേരളത്തിലെ വിവിധ യൂനിവേഴ്സിറ്റികളിൽ മികച്ച 1000 വിദ്യാർഥികൾക്ക് സംസ്ഥാന സർക്കാർ പ്രഖ്യാപിച്ച മുഖ്യമന്ത്രിയുടെ സ്റ്റുഡന്‍റ്സ് എക്സലൻസ് അവാർഡാണ് ദർശനക്ക്​ ലഭിച്ചത്. ചിറക്കടവ് കിഴക്കുംഭാഗം മുട്ടത്ത് ദിനേശിന്‍റെയും സുനിയുടെയും മകളാണ്. ഒരുലക്ഷം രൂപയും ബഹുമതി പത്രവുമാണ് പുരസ്കാരം. സി.പി.എം പൊൻകുന്നം ലോക്കൽ സെക്രട്ടറി കെ. സേതുനാഥ് ദർശനക്ക്​ ഉപഹാരം നൽകി. വാർഡ്​ അംഗം കെ.ജി. രാജേഷ്, ഡി.വൈ.എഫ്.ഐ പൊൻകുന്നം മേഖല സെക്രട്ടറി പി.എസ്. ശ്രീജിത്, പ്രസിഡന്‍റ് ശരൺ ചന്ദ്രൻ, സെക്രട്ടേറിയറ്റ്​ അംഗം എ.ആർ. രോഹിത്, താവൂർ യൂനിറ്റ് സെക്രട്ടറി അനന്ദു പ്രസാദ്, പ്രസിഡന്‍റ് എസ്. സുധിഷ് എന്നിവർ സംസാരിച്ചു. KTL VZR 5 Anumodanam ചിത്രവിവരണം മുഖ്യമന്ത്രിയുടെ സ്റ്റുഡന്‍റ്സ് എക്സലൻസ് പുരസ്കാരം നേടിയ ദർശനക്ക് സി.പി.എം പൊൻകുന്നം ലോക്കൽ സെക്രട്ടറി കെ. സേതുനാഥ് ഉപഹാരം കൈമാറുന്നു