ഹിജാബ് നിരോധനത്തിനെതിരെ പ്രതിഷേധ റാലി

ഈരാറ്റുപേട്ട: കർണാടക ഹൈകോടതിയുടെ ഹിജാബ് നിരോധന വിധിക്കെതിരെ ഈരാറ്റുപേട്ട വുമൺസ് കലക്ടിവ് ഗ്രൂപ്പിന്‍റെ നേതൃത്വത്തിൽ ഈരാറ്റുപേട്ടയിൽ പ്രതിഷേധ റാലിയും ധർണയും സംഘടിപ്പിച്ചു. ഈരാറ്റുപേട്ട മുനിസിപ്പൽ ചെയർപേഴ്സൻ സുഹ്‌റ അബ്‌ദുൽഖാദർ ഉദ്​ഘാടനം ചെയ്തു. ഹിജാബ് ഭരണഘടന അനുവദിക്കുന്ന മൗലികാവകാശമാണെന്നും ഭരണഘടനയെ വെല്ലുവിളിക്കാൻ കോടതിക്ക് അവകാശമില്ലെന്നും അവർ പറഞ്ഞു. വുമൺസ് കലക്ടിവ് പ്രസിഡന്‍റ്​ സോഫി റസാഖ് അധ്യക്ഷത വഹിച്ചു. മുനിസിപ്പൽ കൗൺസിലർമാരായ നസീമ സുബൈർ, സഹല ഫിർദൗസ്, ശഹബാനത്ത് ​(വനിത ലീഗ്​), റസിയ ഷഹീർ (വുമൺസ് ഇന്ത്യ മൂവ്മെന്‍റ്​), നക്സി സുനീർ (എം.ജി.എം), പി.എ. ഫൗസിന (വഹദത്തെ ഇസ്​ലാമി), ഐഷ സന (ജി.ഐ.ഒ), ബുഷ്‌റ നൗഫൽ (പി.ഡി.പി) എന്നിവർ സംസാരിച്ചു. പടം ഹിജാബ് നിരോധന നിയമത്തിനെതിരെ വുമൺസ് കലക്ടിവ് ഗ്രൂപ്പിന്റെ നേതൃത്വത്തിൽ ഈരാറ്റുപേട്ടയിൽ നടത്തിയ പ്രതിഷേധ റാലി