പിതാവിന്‍റെ മുഖത്ത് ആസിഡ് ഒഴിച്ചു; മകൻ അറസ്റ്റിൽ

അടിമാലി: പിതാവിന്‍റെ മുഖത്ത് ആസിഡ് ഒഴിച്ച് പൊള്ളലേൽപിച്ച സംഭവത്തിൽ മകനെ അറസ്റ്റ് ചെയ്തു. പഴമ്പിള്ളിച്ചാൽ പടയറ വീട്ടിൽ ചന്ദ്രസേനനാണ് ​​(60) ആസിഡ്​ ആക്രമണത്തിൽ പരിക്കേറ്റത്​. മകൻ വിനീതിനെയാണ്​ (32) അടിമാലി പൊലീസ് അറസ്റ്റ് ചെയ്തത്. ഞായറാഴ്ച രാത്രി ഇരുവരും തമ്മിലുണ്ടായ കലഹമാണ് ആസിഡ് ആക്രമണത്തിൽ കലാശിച്ചതെന്ന്​ പൊലീസ് പറഞ്ഞു. വിനീതിനെ കോടതിയിൽ ഹാജരാക്കി റിമാൻഡ്​​ ചെയ്തു.