മുളക്കുളം-വടകുന്നപ്പുഴ കോളനി നവീകരണത്തിന് ഒരുകോടി -മോൻസ് ജോസഫ്

പെരുവ: അംബേദ്കർ ഗ്രാമവികസന പദ്ധതിയിൽ ഉൾപ്പെടുത്തി കടുത്തുരുത്തി നിയോജക മണ്ഡലത്തിലെ മുളക്കുളം -വടകുന്നപ്പുഴ കോളനിയിൽ ഒരുകോടിയുടെ പദ്ധതി നടപ്പാക്കാൻ സംസ്ഥാന സർക്കാർ അനുമതി നൽകിയതായി മോൻസ് ജോസഫ് എം.എൽ.എ അറിയിച്ചു. കോളനിയുടെ അടിസ്ഥാന സൗകര്യ വികസനത്തിന് ആവശ്യമായ നിർമാണ പ്രവർത്തനങ്ങളാണ് നടപ്പാക്കുന്നത്. വടകുന്നപ്പുഴ കോളനിയുടെ വികസനം ആവശ്യപ്പെട്ട്​ മോൻസ് ജോസഫ് മന്ത്രി കെ. രാധാകൃഷണന്​ നിവേദനം നൽകിയിരുന്നു. വികസന പ്രവർത്തനങ്ങളുടെ നിർമാണച്ചുമതല ജില്ല നിർമിതി കേന്ദ്രത്തിനാണ്.