കെ.എസ്.യു പ്രവര്‍ത്തകര്‍ക്ക്​ മര്‍ദനമേറ്റു

കോട്ടയം: കെ.എസ്.യു പ്രവര്‍ത്തകരെ മർദിച്ചതായി പരാതി. കോട്ടയം ബസേലിയോസ് കോളജിലെ രണ്ട്​ കെ.എസ്.യു. പ്രവര്‍ത്തകര്‍ക്കാണ്​ മര്‍ദനമേറ്റത്​. എന്‍.കെ. മിഥുന്‍കുമാര്‍, മാഹിന്‍ നവാസ് എന്നിവര്‍ക്കാണു മര്‍ദനമേറ്റത്. മിഥുനെ നഗരമധ്യത്തിലും മാഹിനെ ചുങ്കത്തുവെച്ചും മര്‍ദിച്ചുവെന്നാണു പരാതി. കോളജ് യൂനിയന്‍ തെരഞ്ഞെടുപ്പുമായി ബന്ധപ്പെട്ട സംഘര്‍ഷത്തി‍ൻെറ തുടര്‍ച്ചയാണിതെന്നാണു സൂചന. സംഭവത്തിനുപിന്നില്‍ എസ്.എഫ്.ഐ ആണെന്ന് കെ.എസ്.യു ആരോപിച്ചു.