മറ്റപ്പള്ളി നിരപ്പേൽ റോഡ് യാഥാർഥ്യമായി

വാഴൂർ: വാഴൂർ ഗ്രാമപഞ്ചായത്ത് നാലാം വാർഡിൽ മറ്റപ്പള്ളി നിരപ്പേൽ മേഖലയിൽ താമസിക്കുന്നവരുടെ സഞ്ചാരയോഗ്യമായ റോഡ് എന്ന സ്വപ്നം യാഥാർഥ്യമായി. വളരെ ഉയർന്ന പ്രദേശമായ ഇവിടെ താമസിക്കുന്ന പത്തോളം കുടുംബങ്ങളുടെ ദുരിതത്തിനാണ് പരിഹാരമായത്. മുൻ പഞ്ചായത്ത് പ്രസിഡന്‍റ്​ തഴയ്ക്കൽ ജോസഫിന്‍റെ കുടുംബാംഗങ്ങൾ റോഡിനുവേണ്ടി സ്ഥലം വിട്ടുനൽകിയത്തോടെ റോഡ് യാഥാർഥ്യമാവുകയായിരുന്നു. കിടപ്പുരോഗികളെയും പ്രായമുള്ളവരെയും കസേരകളിൽ ഇരുത്തി ചുമന്ന് ഇളംപള്ളി കവല-പള്ളിക്കത്തോട് റോഡിൽ എത്തിച്ചാണ് ആശുപത്രികളിൽ എത്തിച്ചിരുന്നത്. പഞ്ചായത്ത് പ്രസിഡന്‍റ്​ വി.പി. റെജി, പഞ്ചായത്ത് അംഗം ജിജി നടുവത്താനി, മുൻ പഞ്ചായത്ത് അംഗം സാൻജോ ആന്‍റണിയുടെയും ശ്രമഫലമായാണ്​ റോഡ് യാഥാർഥ്യമായത്. KTL VZR 1 Mattapally Road തഴയ്ക്കൽ-മറ്റപ്പള്ളി നിരപ്പേൽ റോഡ് നിർമാണം ഗ്രാമപഞ്ചായത്ത് അംഗം ജിജി നടുവത്താനിയുടെ നേതൃത്വത്തിൽ നടത്തിയപ്പോൾ