വിദ്യാർഥി സമൂഹത്തോട് മന്ത്രി മാപ്പ് പറയണം -ഡി.വൈ.സി.കെ

കൂരാലി: രണ്ടുരൂപ കണ്‍സെഷന്‍ വിദ്യാര്‍ഥികള്‍ക്ക് തന്നെ നാണക്കേടാണെന്ന ഗതാഗതമന്ത്രി ആന്‍റണി രാജുവിന്‍റെ പ്രസ്താവന വിദ്യാർഥി സമൂഹത്തോടുള്ള വെല്ലുവിളിയാണെന്നും ഇത്​ പിൻവലിക്കണമെന്നും ഡി.വൈ.സി.കെ പാലാ നിയോജകമണ്ഡലം കമ്മിറ്റി ആവശ്യപ്പെട്ടു. സോയി പയപ്പള്ളിയുടെ അധ്യക്ഷതിയിൽ ചേർന്ന യോഗത്തിൽ നേതാക്കളായ ടോണി തൈപ്പറമ്പിൽ, താഹ തലനാട്, ജിഷ്ണു പറപ്പള്ളിൽ, ബെൻസൺ, ടിബിൻ തോമസ് തുടങ്ങിയവർ സംസാരിച്ചു.