നഗരസഭക്ക് കുട്ടിക്കളി; രണ്ടുകോടി ചെലവിട്ട കുട്ടികളുടെ പാർക്ക് തുറക്കുന്നില്ല

കോട്ടയം: കോവിഡ്​ വ്യാപനം കുറഞ്ഞ്​ വിനോദകേന്ദ്രങ്ങളെല്ലാം തുറന്നിട്ടും നെഹ്​റു പാർക്ക്​ തുറക്കാൻ സന്നദ്ധമാകാതെ നഗരസഭ. രണ്ടുകോടിയിലേ​റെ ചെലവിച്ച്​ കോവിഡിനുമുമ്പ്​ നവീകരിച്ച പാർക്ക്​ പരിപാലനമില്ലാതെ നശിക്കുകയാണ്. കളിയുപകരണങ്ങളും ഊഞ്ഞാലുമടക്കം തുരുമ്പെടുത്തു. നടവഴിയിൽ പുല്ലുനിറഞ്ഞു. കുട്ടികൾക്കും​ മുതിർന്നവർക്കും അൽപസമയം ചെലവഴിക്കാൻ നഗരത്തിനകത്ത്​ ആകെയുള്ള ഇടമാണ്​ പാർക്ക്​. അറ്റകുറ്റപ്പണിക്കായി അഞ്ചുവർഷ​ത്തോളം അടച്ചിട്ടിരിക്കുകയായിരുന്നു.​ തിരുവഞ്ചൂർ രാധാകൃഷ്ണൻ എം.എൽ.എയുടെ ആസ്തിവികസന ഫണ്ടിൽനിന്ന്​ 1,62,35,000 രൂപയും നഗരസഭയുടെ തനതുഫണ്ടിൽനിന്ന്​ 45 ലക്ഷം രൂപയും ചെലവഴിച്ചാണ്​ നവീകരിച്ചത്​. ശിൽപി ​കെ.എസ്​. രാധാകൃഷ്ണൻ നിർമിച്ച ബഹുരൂപി ശിൽപങ്ങളാണ്​ പാർക്കിന്‍റെ ആകർഷണം. 10 അടി ഉയരമുള്ള ശിൽപങ്ങൾ ഇദ്ദേഹം സൗജന്യമായാണ്​ നിർമിച്ചുനൽകിയത്​. 2019 ഡിസംബറിൽ തുറന്ന പാർക്ക്​ കോവിഡ്​ വന്നതോടെ അടച്ചു. പിന്നീട്​ തുറന്നിട്ടില്ല. കഴിഞ്ഞവർഷം പാ​ർ​ക്കി​ന്‍റെ പ​രി​പാ​ല​നം വ്യ​ക്തി​യെ ഏ​ൽ​പി​ക്കുന്നതിനെച്ചൊല്ലി കൗ​ൺ​സി​ലിൽ തർക്കമുണ്ടായി. ച​ങ്ങ​നാ​ശ്ശേ​രി സ്വ​ദേ​ശി​യാ​ണ്​ പാ​ർ​ക്ക് പ​രി​പാ​ല​നം ഏ​റ്റെ​ടു​ക്കാൻ ത​യാ​റാ​ണെ​ന്നു​കാ​ണി​ച്ച്​ ന​ഗ​ര​സ​ഭ​ക്ക്​ കത്തുന​ൽ​കി​യത്​. എന്നാൽ,​ പ​രി​പാ​ല​ന​ത്തി​നു​ള്ള തൊ​ഴി​ലാ​ളി​ക​ളു​ടെ വേ​ത​നം, ചെ​ടി​ക​ൾ​ക്ക്​ ആ​വ​ശ്യ​മാ​യ വ​ളം, മ​റ്റു സാ​ധ​ന​ങ്ങ​ൾ എ​ന്നി​വ വാ​ങ്ങു​ന്ന​തി​ന്​ പ്ര​തി​മാ​സം ഒ​ന്ന​ര​ല​ക്ഷം രൂ​പ നി​കു​തി ഉ​ൾ​പ്പെ​ടെ ന​ഗ​ര​സ​ഭ ന​ൽ​ക​ണം. കൂ​ടാ​തെ പാ​ർ​ക്കി​ലെ മോ​​ട്ട​റിന്‍റെ പ്ലം​ബി​ങ്​ വ​ർ​ക്കും മെ​യിന്‍റ​ന​ൻ​സും ന​ഗ​ര​സ​ഭ ചെ​യ്യ​ണം. വൈ​ദ്യു​തി​യും ന​ഗ​ര​സ​ഭ ല​ഭ്യമാക്കണം എന്നായിരുന്നു ​പ്രപ്പോസൽ. ഇതോടെ പ്രതിപക്ഷം എതിർത്തു. തുടർന്ന്​ അജണ്ട മരവിപ്പിക്കുകയായിരുന്നു. നിലവിൽ പാർക്കിന്‍റെ പരിപാലനത്തിന്​ ആളില്ല. ഒരുമാസത്തിനകം തുറക്കും പാർക്ക്​ ഒരുമാസത്തിനുള്ളിൽ തുറക്കാൻ കഴിയുമെന്നാണ്​ പ്രതീക്ഷ. കാടുവെട്ടി വൃത്തിയാക്കിയിട്ടുണ്ട്​. കളിയുപകരണങ്ങളുടെ സ്ഥിതി പരിശോധിക്കാൻ നിർദേശിച്ചിട്ടുണ്ട്​. ​അതിന്‍റെ പണികൂടി ഉടൻ പൂർത്തിയാക്കും. (ബിൻസി സെബാസ്റ്റ്യൻ-നഗരസഭ അധ്യക്ഷ) KTL PARK 1 -നഗരസഭയുടെ നെഹ്​റു പാർക്കിലെ കളിയുപകരണങ്ങൾ തുരുമ്പുപിടിച്ച നിലയിൽ KTL PARK 2 - നെഹ്​റു പാർക്ക്​ നവീകരണത്തിനായി ചെലവിട്ട തുക​ പ്രദർശിപ്പിച്ചുകൊണ്ടുള്ള ബോർഡ്​