ചികിത്സസഹായം നൽകി

പെരുവ: രക്താർബുദം പിടിപെട്ട് ചികിത്സയിൽ കഴിയുന്ന കാരിക്കോട്‌ പുത്തൻകുളങ്ങരയിൽ സൈജന് സൗഹൃദ ചിരിറ്റബിൾ സൊസൈറ്റി സമൂഹമാധ്യമങ്ങൾവഴി സമാഹരിച്ച 1,15,000 രൂപയുടെ ചെക്ക് മോൻസ് ജോസഫ് എം.എൽ.എ കൈമാറി. പ്രസിഡന്‍റ്​ ടി.എം. സദൻ അധ്യക്ഷത വഹിച്ചു. വൈസ് പ്രസിഡന്‍റുമാരായ ടി.എം. രാജു തെക്കേക്കാലായിൽ, പി. ജയശങ്കർ, സെക്രട്ടറി ബൈജു ചെത്തുകുന്നേൽ, ട്രഷറർ ജയൻ മൂർക്കാട്ടിൽ തുടങ്ങിയവർ പങ്കെടുത്തു.