കനാൽ ജലവിതരണം ഇന്നുമുതൽ വീണ്ടും

കടുത്തുരുത്തി: ശനിയാഴ്ച മുതൽ കടുത്തുരുത്തിയിൽ വിവിധ കനാലുകളിലൂടെ ജലവിതരണം വീണ്ടും നടത്താൻ നടപടി സ്വീകരിച്ചതായി മോൻസ് ജോസഫ് എം.എൽ.എ അറിയിച്ചു. ഞായർ, തിങ്കൾ ദിവസങ്ങളിൽ പെരുവ-മുളക്കുളം-വെളിയന്നൂർ ഡിസ്ട്രിബ്യൂട്ടറികളിലൂ​​​ടെയാണ് ജലവിതരണം. 15, 16, 17, 18 തീയതികളിൽ ഞീഴൂർ, കുറവിലങ്ങാട്, മാഞ്ഞൂർ, കടുത്തുരുത്തി, കാണക്കാരി, കിടങ്ങൂർ പഞ്ചായത്തുകളിലൂടെ കടന്നുപോകുന്ന ഉപകനാലുകളിലൂടെയും ജലവിതരണത്തിന്​ കലണ്ടർ തയാറാക്കി. എം.വി.ഐ.പി പിറവം ഡിവിഷനും കുറുപ്പന്തറ സബ് ഡിവിഷനും മേൽനോട്ടം വഹിക്കും.