സി.വി. വർഗീസിനെതിരെ കേസെടുക്കണം -യൂത്ത് കോൺഗ്രസ്

പൊൻകുന്നം: കെ.പി.സി.സി പ്രസിഡന്‍റ്​ കെ. സുധാകരനെതിരെ വധഭീഷണി മുഴക്കിയ ഇടുക്കി സി.പി.എം ജില്ല സെക്രട്ടറി സി.വി. വർഗീസിനെതിരെ ജാമ്യമില്ല വകുപ്പ് ചുമത്തി കേസെടുത്ത് അറസ്റ്റ് ചെയ്യണമെന്ന് യൂത്ത് കോൺഗ്രസ് ആവശ്യപ്പെട്ടു. കെ. സുധാകരനെതിരെ ചെറുവിരലനക്കിയാൽ യൂത്ത് കോൺഗ്രസ് പ്രവർത്തകർ കൈയുംകെട്ടി നോക്കിയിരിക്കില്ലെന്ന്​ ജില്ല വൈസ് പ്രസിഡന്‍റ്​ സനോജ് പനയ്ക്കൽ പറഞ്ഞു. ചിറക്കടവ് മണ്ഡലം പ്രസിഡന്‍റ്​ അനന്തകൃഷ്ണൻ അധ്യക്ഷത വഹിച്ചു. ഷിഹാബുദ്ദീൻ, സച്ചിൻ പുളിക്കൻ, ആസാദ് എന്നിവർ സംസാരിച്ചു.