ഏറ്റുമാനൂർ ഉത്സവം: പാലരുവിക്ക്​ താൽക്കാലിക സ്റ്റോപ് അനുവദിച്ചു

കോട്ടയം: ഏറ്റുമാനൂർ മഹാദേവ ക്ഷേത്രത്തിലെ ഉത്സവത്തോട്​ അനുബന്ധിച്ച് പാലരുവി എക്സ്​​പ്രസിന്​ ഏറ്റുമാനൂരിൽ താൽക്കാലിക സ്റ്റോപ് അനുവദിച്ചു. വ്യാഴം, വെള്ളി, ശനി ദിവസങ്ങളിൽ ഓരോ മിനിറ്റാകും നിർത്തുക. രാവിലെ തിരുനെൽവേലിയിൽ നിന്നും ആരംഭിക്കുന്ന ട്രെയിൻ പുലർച്ച 7.25നാണ്​ ഏറ്റുമാനൂരിൽ എത്തുക. ഈ സർവിസിൽ വ്യാഴം, വെള്ളി ദിവസങ്ങളിലാണ്​ ഏറ്റുമാനൂരിൽ​ സ്​റ്റോപ്​. മടക്കയാത്രയിൽ വ്യാഴം, വെള്ളി, ശനി ദിവസങ്ങളിൽ നിർത്തും. രാത്രി 7.58 നുമാണ് ഏറ്റുമാനൂരിൽ ട്രെയിൻ എത്തുക. ബി.ജെ.പി നേതാവ്​ ഏറ്റുമാനൂർ രാധാകൃഷ്ണൻ, ഏറ്റുമാനൂർ നഗരസഭ കൗൺസിലർ ഉഷ സുരേഷ് ഉത്സവത്തിന് എത്തുന്ന ഭക്തജനങ്ങളുടെ യാത്രക്ലേശം പരിഹരിക്കണമെന്ന ആവശ്യവുമായി തിരുവനന്തപുരം റെയിൽവേ ഡിവിഷന്​ നിവേദനം നൽകിയിരുന്നു. അതിരമ്പുഴ തിരുനാളിനോട് അനുബന്ധിച്ച് ജനുവരി 24, 25 തിയതികളിൽ ഏറ്റുമാനൂരിൽ സ്റ്റോപ് അനുവദിച്ചിരുന്നു. ഓപറേഷൻ വിഭാഗത്തിലെ വീഴ്ചമൂലം ജനുവരി 24ന് ട്രെയിൻ നിർത്താതെ പോയത് വിവാദങ്ങളിൽ ഇടംപിടിച്ചിരുന്നു. ഏറ്റുമാനൂരിൽ പാലരുവിക്ക്​ സ്ഥിരമായി സ്റ്റോപ് പരിഗണിക്കണമെന്ന ആവശ്യവുമായി സ്ത്രീകളടക്കം നിരവധി യാത്രക്കാർ പ്രതിഷേധങ്ങളുമായി മുന്നോട്ടുവന്നെങ്കിലും റെയിൽവേ മനുഷ്യത്വരഹിതമായ നിലപാടാണ് സ്വീകരിക്കുന്നതെന്ന് ഏറ്റുമാനൂർ പാസഞ്ചർ അസോ. ഭാരവാഹികളായ ശ്രീജിത്ത്കുമാർ, അജാസ് വടക്കേടം എന്നിവർ ആരോപിച്ചു. ഐ.എൻ.എൽ ജില്ല കൺവെൻഷൻ കോട്ടയം : ഐ.എൻ.എൽ വഹാബ്​ വിഭാഗം ജില്ല പ്രവർത്തക കൺവെൻഷൻ സംസ്ഥാന വൈസ് പ്രസിഡന്‍റ്​ എച്ച്. മുഹമ്മദാലി ഉദ്​ഘാടനം ചെയ്തു. മെംബർഷിപ് വിതരണോദ്​ഘാടനം സംസ്ഥാന സെക്രട്ടേറിയറ്റ്​ അംഗം അഡ്വ. മനോജ്‌ സി.നായർ ഉദ്​ഘാടനം ചെയ്തു. ജില്ല പ്രസിഡന്‍റ്​ സലിം വാഴമറ്റം അധ്യക്ഷതവഹിച്ചു. സംസ്ഥാന സെകട്ടേറിയറ്റ്​ അംഗം എംകോം നജീബ്, ഏന്തയാർ റഹ്മാൻ, മനാഫ് ഫാരിസ്, ഷാജി പാടിക്കൻ, അബ്ദുസ്സലാം, ഹാഷിം ചേരിക്കൽ , സലിന ഇബ്രാഹീം, ജലാൽ കട്ടുപാറ, റാഫി അങ്കാളം എന്നിവർ സംസാരിച്ചു. പടം KTL INL ഐ.എൻ.എൽ വഹാബ്​ വിഭാഗം ജില്ല പ്രവർത്തക കൺവെൻഷൻ സംസ്ഥാന വൈസ് പ്രസിഡന്‍റ്​ എച്ച്. മുഹമ്മദാലി ഉദ്​ഘാടനം ചെയ്യുന്നു