അവകാശ സംരക്ഷണ റാലിയും പൊതുസമ്മേളനവും

കാഞ്ഞിരപ്പള്ളി: സ്ത്രീ സുരക്ഷ കേവല മുദ്രാവാക്യമല്ല; അന്തസ്സും അഭിമാനവുമാണ് എന്ന ശീര്‍ഷകത്തില്‍ വനിതദിനത്തിൽ നാഷനല്‍ വിമന്‍സ് ഫ്രണ്ട് ഈസ്റ്റ് ജില്ല കമ്മിറ്റി നടത്തി. സമാപന പൊതുസമ്മേളനം നേത്രരോഗ വിദഗ്ധ ഡോ. ശ്രുതി കെ.ജോൺ (അരവിന്ദ ഹോസ്പിറ്റൽ കൊച്ചി) ഉദ്ഘാടനം ചെയ്തു. എൻ.ഡബ്ല്യു.എഫ് കോട്ടയം ഈസ്റ്റ് ജില്ല പ്രസിഡന്‍റ്​ സൗമി നവാസ് അധ്യക്ഷതവഹിച്ചു. വിമൻ ഇന്ത്യ മൂവ്മെന്‍റ്​ ജില്ല പ്രസിഡന്‍റ്​ റസിയ ഷഹീർ വിഷയം അവതരിപ്പിച്ചു. എൻ.ഡബ്ല്യു.എഫ് ഈസ്റ്റ് ജില്ല സെക്രട്ടറി റഹ്മത്ത് അസീസ് , ജില്ല കമ്മിറ്റി അംഗം ബീമ ബാസിത്, കാഞ്ഞിരപ്പള്ളി ഡിവിഷൻ പ്രസിഡന്‍റ്​ ഷാനിബാൻ, ഫാത്തിമ സുമയ്യ എന്നിവർ സംസാരിച്ചു. വിവിധമേഖലയിൽ വ്യക്തിമുദ്ര പതിപ്പിച്ച അക്ഷര അജികുമാർ, നൂർജഹാൻ, രഹ നാസറുദ്ദീൻ, മനീഷ സുരേന്ദ്രൻ എന്നിവരെ ചടങ്ങിൽ ആദരിച്ചു. KTL Rally നാഷനല്‍ വിമന്‍സ് ഫ്രണ്ട് വനിതദിന സമാപന പൊതുസമ്മേളനം ഡോ. ശ്രുതി കെ.ജോൺ ഉദ്ഘാടനം ചെയ്യുന്നു