സമൂഹം ജെൻഡർ ന്യൂട്രൽ ആവണം -​കലക്ടർ

കോട്ടയം: സമൂഹം ജെൻഡർ ന്യൂട്രൽ ആവണമെന്ന്​ കലക്ടർ ഡോ. പി.കെ. ജയശ്രീ. രാജ്യാന്തര വനിത ദിനത്തോടനുബന്ധിച്ച്​ കോട്ടയം പ്രസ്​ക്ലബിലെ വനിത മാധ്യമപ്രവർത്തകരുടെ കൂട്ടായ്​മ ഉദ്​ഘാടനം ചെയ്യുകയായിരുന്നു അവർ. സ്ത്രീകളായാലും പുരുഷന്മാരായാലും അവരവരുടെ കഴിവിന്‍റെ വെളിച്ചത്തിലാവണം മുന്നിലെത്തേണ്ടത്​. അതിനുള്ള ധൈര്യം വരുംതലമുറക്കുണ്ടാകണം. പ്രശ്നങ്ങളെയും പ്രതിസന്ധികളെയും പോസിറ്റീവായി കാണാനും അനുകമ്പയോടെ കൈകാര്യം ചെയ്യാനും സ്ത്രീകൾക്കേ കഴിയൂ എന്നും കലക്ടർ അഭിപ്രായപ്പെട്ടു. മുതിർന്ന മാധ്യമപ്രവർത്തക ജോളി അടിമത്ര മുഖ്യപ്രഭാഷണം നടത്തി. പ്രസ്​ക്ലബ്​ വൈസ് ​പ്രസിഡന്‍റ്​ സുമി സുലൈമാൻ അധ്യക്ഷതവഹിച്ചു. വൈസ്​പ്രസിഡന്‍റ്​ ശ്രീകല ടി.മേനോൻ, മനോരമ സമ്പാദ്യം എഡിറ്റർ ഇൻ ചാർജ്​ എസ്​. രാജ്യശ്രീ എന്നിവർ സംസാരിച്ചു. പ്രസ്​ക്ലബ്​ നിർവാഹകസമിതിയംഗം അഞ്ജു ജെ.അച്ചാമ്മ സ്വാഗതവും മനോരമ ഓൺലൈൻ അസോസ്യേറ്റ്​ പ്രൊഡ്യൂസർ സേറാ ലക്ഷ്മി നന്ദിയും പറഞ്ഞു. .................... വനിത കൺവെൻഷൻ കോട്ടയം: കേരള പൊലീസ് അസോ. ജില്ല കമ്മിറ്റിയുടെ നേതൃത്വത്തിൽ വനിത ദിനത്തോടനുബന്ധിച്ച് നടത്തിയ കൺവെൻഷൻ ജില്ല പൊലീസ് മേധാവി ഡി. ശിൽപ ഉദ്ഘാടനം ചെയ്തു. സി.എം.എസ്​ കോളജ്​ അസോസ്യേറ്റ്​ പ്രഫ. ഡോ. മിറിയം മാണി മുഖ്യപ്രഭാഷണം നടത്തി. പബ്ലിക്​ പ്രോസിക്യൂട്ടർ അഡ്വ. ഗിരിജ ബിജു മുഖ്യാതിഥിയായിരുന്നു. കേരള പൊലീസ് അസോ. സംസ്ഥാന ജന. ​സെക്രട്ടറി കെ.പി. പ്രവീൺ സന്ദേശം നൽകി. സംസ്ഥാന നിർവാഹകസമിതി അംഗം സുനിമോൾ രാജപ്പൻ അധ്യക്ഷതവഹിച്ചു. KTL POLICE ASSO- കേരള പൊലീസ് അസോ. സംഘടിപ്പിച്ച വനിത കൺവെൻഷൻ ജില്ല പൊലീസ് മേധാവി ഡി. ശിൽപ ഉദ്ഘാടനം ചെയ്യുന്നു