ക്‌നാനായ പ്രേഷിത കുടിയേറ്റ അനുസ്മരണ ദിനാഘോഷങ്ങള്‍ക്ക് പ്രൗഢോജ്ജ്വല സമാപനം

കോട്ടയം: ക്‌നാനായ പ്രേഷിത കുടിയേറ്റത്തിന്‍റെ അനുസ്മരണ ദിനത്തോടനുബന്ധിച്ച ആഘോഷങ്ങള്‍ക്ക് പ്രൗഢോജ്ജ്വല സമാപനം. കുടിയേറ്റ അനുസ്മരണദിനാചരണങ്ങള്‍ക്ക്​ മുന്നോടിയായി ക്‌നാനായ കത്തോലിക്ക കോണ്‍ഗ്രസിന്‍റെ നേതൃത്വത്തില്‍ ക്‌നാനായ കാത്തലിക് വിമൻസ്​ അസോസിയേഷന്‍, ക്‌നാനായ കാത്തലിക് യൂത്ത് ലീഗ് എന്നീ സംഘടനകളുടെ പങ്കാളിത്തത്തോടെ സംഘടിപ്പിച്ച പ്രേഷിത കുടിയേറ്റ അനുസ്മരണ സന്ദേശയാത്ര ക്‌നാനായ സമുദായത്തിന്‍റെ വിശ്വാസതീഷ്ണതയുടെയും ഇഴയടുപ്പത്തിന്‍റെയും നേര്‍സാക്ഷ്യമായി. 14 ഫൊറോനകളിലെയും ഗംഭീര വരവേൽപിനുശേഷം ക്രിസ്തുരാജ കത്തീഡ്രല്‍ അങ്കണത്തില്‍ സന്ദേശയാത്ര എത്തിച്ചേര്‍ന്നപ്പോള്‍ നിര്‍മാണം പൂര്‍ത്തിയാക്കിയ ക്​നായി തോമയുടെയും ഉറഹ മാര്‍ യൗസേപ്പിന്‍റെയും പ്രതിമ അതിരൂപതാധ്യക്ഷന്‍ മാര്‍ മാത്യു മൂലക്കാട്ട് അനാച്ഛാദനം ചെയ്തു. സമ്മേളനത്തില്‍ അതിരൂപത സഹായ മെത്രാൻമാരായ മാര്‍ ജോസഫ് പണ്ടാരശ്ശേരില്‍, ഗീവര്‍ഗീസ് മാര്‍ അപ്രേം, വികാരി ജനറാള്‍ ഫാ. മൈക്കിള്‍ വെട്ടിക്കാട്ട്, കെ.സി.സി പ്രസിഡന്‍റ്​ തമ്പി എരുമേലിക്കര, പ്രസ്ബിറ്ററല്‍ കൗണ്‍സില്‍ സെക്രട്ടറി ഫാ. ജോയി കട്ടിയാങ്കല്‍ പാസ്റ്ററല്‍ കൗണ്‍സില്‍ സെക്രട്ടറിമാരായ ഫാ. തോമസ് ആനിമൂട്ടില്‍, ബിനോയി ഇടയാടിയില്‍, കെ.സി.ഡബ്ല്യു.എ പ്രസിഡന്‍റ്​ ലിന്‍സി രാജന്‍, കെ.സി.വൈ.എല്‍ പ്രസിഡന്‍റ്​ ലിബിന്‍ ജോസ് എന്നിവര്‍ സംസാരിച്ചു. സന്ദേശയാത്രക്ക്​ യുവതീയുവാക്കളും കുട്ടികളും ഒന്നുചേര്‍ന്ന് വാദ്യമേളങ്ങളുടെയും മാര്‍ഗംകളിയുടെയും ഫ്ലാഷ് മോബിന്‍റെയും നടവിളികളുടെയും പുരാതനപ്പാട്ടുകളുടെയും അകമ്പടിയോടെ ആവേശോജ്ജ്വല സ്വീകരണമാണ്​ നൽകിയത്​. കെ.സി.സി പ്രസിഡന്‍റ്​ തമ്പി എരുമേലിക്കര, സെക്രട്ടറി ബിനോയി ഇടയാടിയില്‍, കെ.സി.വൈ.എല്‍ പ്രസിഡന്‍റ്​ ലിബിന്‍ പാറയില്‍, കെ.സി.സി അതിരൂപത ഭാരവാഹികളായ ഡോ. ലൂക്കോസ് പുത്തന്‍പുരക്കല്‍, തോമസ് അരയത്ത്, ബാബു കദളിമറ്റം, സ്റ്റീഫന്‍ കുന്നുംപുറം, സൈമണ്‍ പാഴുകുന്നേല്‍, ഷാജി കണ്ടച്ചാംകുന്നേല്‍, തോമസ് അറക്കത്തറ എന്നിവര്‍ സന്ദേശയാത്രക്ക്​ നേതൃത്വം നല്‍കി. പടം: dp