പിടികിട്ടാപ്പുള്ളി അറസ്റ്റിൽ

കോട്ടയം: ആറുവർഷമായി ഒളിവിൽ കഴിഞ്ഞിരുന്ന പിടികിട്ടാപ്പുള്ളിയെ വെസ്റ്റ് പൊലീസ് പിടികൂടി. തൃശൂർ ജില്ലയിൽ വിവിധ പൊലീസ് സ്​റ്റേഷനുകളിൽ വധശ്രമം ഉൾപ്പെടെ കേസുകളിൽ പ്രതിയായ തൃശൂർ ചെന്ത്രാപ്പിന്നി സ്വദേശി വാവ എന്ന ബിനോജാണ് പിടിയിലായത്. ജില്ല പൊലീസിന്‍റെ ഓപറേഷൻ കാവൽ പദ്ധതിയുടെ ഭാഗമായി ഞായറാഴ്ച പരിശോധന നടത്തവെ തിരുനക്കര ഭാഗത്തുവെച്ച് ബിനോജിനെ സംശയം തോന്നി പിടികൂടുകയായിരുന്നു. അഞ്ച്​ കേസുകളിൽ പിടികിട്ടാപ്പുള്ളിയാണ്​. പ്രതിയെ മതിലകം പൊലീസിന്​ കൈമാറി. കോട്ടയം ടൗൺ ഭാഗത്ത് തമ്പടിച്ചിരിക്കുന്ന ഗുണ്ട ലിസ്റ്റിൽ ഉൾപ്പെട്ടവർക്കെതിരെ നടപടി തുടരുമെന്ന്​ എസ്​.പി അറിയിച്ചു. KTL ARREST VAVA-