'ഈരാറ്റുപേട്ട കുടുംബാരോഗ്യ കേന്ദ്രത്തിന് കെട്ടിടം നിർമിക്കണം'

ഈരാറ്റുപേട്ട: ഈരാറ്റുപേട്ട കുടുംബാരോഗ്യ കേന്ദ്രത്തിന് പുതിയ ബ്ലോക്ക്​ നിർമിക്കാൻ സംസ്ഥാന ബജറ്റിൽ തുക വിലയിരുത്തുക, പ്രളയത്തിൽ തകർന്ന കാരക്കാട്- ഇളപ്പുങ്കൽ പാലം വാഹന സഞ്ചാരയോഗ്യമാക്കുക തുടങ്ങിയ ആവശ്യങ്ങൾ ഉന്നയിച്ച്​ വെൽഫെയർ പാർട്ടി ഈരാറ്റുപേട്ട മുനിസിപ്പൽ കമ്മിറ്റി അഡ്വ.സെബാസ്റ്റ്യൻ കുളത്തുങ്കൽ എം.എൽ.എക്ക് നിവേദനം നൽകി. വൈസ് പ്രസിഡന്‍റ്​ ഫിർദൗസ് റഷീദ്, സെക്രട്ടറി യുസുഫ് ഹിബ, ഫാസിൽ വെള്ളൂപറമ്പിൽ, നസീർ വെളിയത്ത് എന്നിവർ പങ്കെടുത്തു.