പാറത്തോട് 'രാത്രി നടത്തം'

പാറത്തോട്: വനിത ദിനത്തോടനുബന്ധിച്ച് പാറത്തോട് പഞ്ചായത്തിലെ വനിതകൾ 'രാത്രി നടത്തം' സംഘടിപ്പിച്ചു. പാറത്തോട് പഞ്ചായത്ത് വൈസ് പ്രസിഡന്‍റ്​ സിന്ധു മോഹനൻ ഉദ്‌ഘാടനം ചെയ്തു. സംസ്ഥാന വനിത ശിശുക്ഷേമ വകുപ്പിനു കീഴിൽ പ്രവർത്തിക്കുന്ന ഐ.സി.ഡി.എസ് സംഘടിപ്പിച്ച രാത്രി നടത്തത്തിൽ പാറത്തോട് പഞ്ചായത്തിലെ കുടുബശ്രീ, അംഗൻവാടി പ്രവർത്തകർ , വനിത ജനപ്രതിനിധികൾ മുതലായവർ പങ്കെടുത്തു. പാറത്തോട് കവല മുതൽ, പൊടിമറ്റം സെന്‍റ്​ ഡൊമിനിക്‌സ് കോളജ് പടിക്കൽ വരെ രാത്രി എട്ടരയോടെ മെഴുകുതിരികൾ കത്തിച്ചുപിടിച്ചായിരുന്നു നടത്തം. സ്ത്രീകൾക്കും പെൺകുട്ടികൾക്കും പൊതുയിടങ്ങളിൽ രാത്രിയിൽ ഭയമില്ലാതെ സഞ്ചരിക്കുവാൻ മതിയായ സുരക്ഷ ഒരുക്കണമെന്ന്​ ഇവർ ആവശ്യപ്പെട്ടു.