പ്രചോദിത ഇൻസ്പിരേഷനൽ വുമണ്‍ അവാർഡ് ശ്രീകുമാരി രാമചന്ദ്രന്

കോട്ടയം: പ്രചോദിത വനിത കൂട്ടായ്മയുടെ പ്രഥമ ഇൻസ്പിരേഷനൽ വുമൺ അവാർഡ് സാഹിത്യകാരി ശ്രീകുമാരി രാമചന്ദ്രന്. 50,000 രൂപയും പ്രശസ്തിഫലകവും അടങ്ങുന്നതാണ് അവാര്‍ഡ്. വനിതദിന ആഘോഷ പരിപാടിയുടെ ഭാഗമായി കോട്ടയം പ്രസ് ക്ലബില്‍ ഈ മാസം ഒമ്പതിന്​ വൈകീട്ട്​ മൂന്നിന്​ നടക്കുന്ന ചടങ്ങില്‍ കലക്ടര്‍ ഡോ. പി.കെ. ജയശ്രീ പുരസ്കാരം സമ്മാനിക്കുമെന്ന് പ്രചോദിത മാനേജിങ്​ ഡയറക്ടര്‍ ഗീത ബക്ഷി അറിയിച്ചു. ശീമാട്ടി സി.ഇ.ഒ ബീന കണ്ണന്‍ മുഖ്യാതിഥിയാകും.