കെ-റെയിലിനെതിരെ ജില്ലയിൽ ബി.ജെ.പി പദയാത്ര

കോട്ടയം: സിൽവർലൈൻ പദ്ധതി ഉപേക്ഷിക്കണമെന്നാവശ്യപ്പെട്ട്​ ഈ മാസം 25, 26, 27 തീയതികളിൽ ജില്ലയിൽ ബി.ജെ.പി പദയാത്ര നടത്തും. ജില്ല പ്രസിഡന്‍റ്​ ലിജിൻലാൽ നയിക്കുന്ന പദയാത്രയുടെ ഉദ്​ഘാടനം 25ന് രാവിലെ ഒമ്പതിന്​ മാമ്മൂട് ജങ്​ഷനിൽ സംസ്ഥാന പ്രസിഡന്‍റ്​ കെ. സുരേന്ദ്രൻ നിർവഹിക്കും. പാത കടന്നുപോകുന്ന പ്രദേശങ്ങളിലൂടെ നടക്കുന്ന പദയാത്ര 27ന് മുളക്കുളത്ത്​ സമാപിക്കുമെന്ന്​ ബി.ജെ.പി നേതാക്കൾ വാർത്തസമ്മേളനത്തിൽ അറിയിച്ചു. കെ-റെയിൽ വിരുദ്ധ പദയാത്ര ജനറൽ കൺവീനർ ബി. രാധാകൃഷ്ണ മേനോൻ, പി.എസ്​. ബിജുകുമാർ, എസ്. രതീഷ് എന്നിവരും വാർത്തസമ്മേളനത്തിൽ പങ്കെടുത്തു. സ്റ്റാർട്ടപ് മിഷന്‍റെ സംരംഭക ഉച്ചകോടി പാലായിൽ കോട്ടയം: കേരള സ്റ്റാർട്ടപ് മിഷന്‍റെ ആറാമത് സംരംഭക ഉച്ചകോടി ശനിയാഴ്ച പാലാ സൻെറ് ജോസഫ് എൻജിനീയറിങ് കോളജിൽ നടക്കും. രാവിലെ 9.30ന് ഉച്ചകോടിയുടെ ഉദ്ഘാടനം മന്ത്രി സജി ചെറിയാൻ നിർവഹിക്കും. സ്റ്റാർട്ടപ് മിഷൻ 2021ൽ നടത്തിയ ഇന്നോവ ടെറസ് പ്രീമിയർ ലീഗിൽനിന്ന്​ തെരഞ്ഞെടുക്കപ്പെട്ട വിദ്യാർഥികൾ ഉച്ചകോടിയിൽ ആശയങ്ങൾ പങ്കിടുമെന്ന്​ ​കോളജ്​ അധികൃതർ വാർത്തസമ്മേളനത്തിൽ പറഞ്ഞു. ഇതോടൊപ്പം കാമ്പസുകളിൽ രൂപംകൊണ്ടിട്ടുള്ള സ്റ്റാർട്ടപ്പുകളുടെയും ടെക്നിക്കൽ ആൻഡ്​​ നോൺ ടെക്നിക്കൽ കമ്യൂണിറ്റികളുടെയും പ്രദർശനമുണ്ടാകും. വിവിധ മേഖലകളിൽനിന്നുള്ള വിദഗ്​ധർ ക്ലാസെടുക്കും. ഡോ. മധുകുമാർ, ഡോ. സർജു ബർജി, ജാക്സൺ ജോസഫ് എന്നിവർ വാർത്തസമ്മേളനത്തിൽ പ​​ങ്കെടുത്തു.