നാട്ടുകാർ ടിപ്പർ ലോറി തടഞ്ഞു

കടുത്തുരുത്തി: അനധികൃതമായി അമിത അളവിൽ മണ്ണുമായി പോയ ടിപ്പർ ലോറികൾ നാട്ടുകാർ തടഞ്ഞു. കടുത്തുരുത്തി വാലാച്ചിറയിൽ വെള്ളിയാഴ്ച രാവിലെയാണ് സംഭവം. സ്ഥിരമായി അമിത അളവിൽ മണ്ണുമായി പോകുന്നതുമൂലം വാഹനത്തിൽനിന്ന്​ മണ്ണ് വഴിയിൽ വീഴുന്നത് പതിവായിരുന്നു. പൊടിശല്യം മൂലം പലതവണ പരാതി പറഞ്ഞെങ്കിലും നടപടി ഉണ്ടാകാതിരുന്നതിനെത്തുടർന്നാണ്​ ടിപ്പറുകൾ തടഞ്ഞത്​. കടുത്തുരുത്തി പൊലീസെത്തി നടപടി സ്വീകരിച്ചു.