ലഖിംപുർ കർഷക കൊല ജാലിയൻവാലാബാഗിന്​ സമം -അഖിലേഷ്​

ലഖിംപുർ: ലഖിംപുർ ഖേരിയിൽ കർഷകരെ വാഹനം കയറ്റിക്കൊന്ന സംഭവത്തെ ജാലിയൻ വാലാബാഗ്​ കൂട്ടക്കൊലയോട്​ ഉപമിച്ച്​ സമാജ്​വാദി പാർട്ടി അധ്യക്ഷൻ അഖിലേഷ്​ യാദവ്​. എസ്​.പി അധികാരത്തിൽ വന്നാൽ കുറ്റവാളികൾക്കെതിരെ നടപടി സ്വീകരിക്കുമെന്നും അദ്ദേഹം പറഞ്ഞു. നാല്​ കർഷകരടക്കം എട്ടുപേരാണ്​ ലഖിംപുർ ഖേരിയിൽ കൊല്ലപ്പെട്ടത്​. സംഭവത്തിൽ കേന്ദ്ര ആഭ്യന്തര സഹമന്ത്രി അജയ്​ മിശ്രയുടെ മകൻ ആശിഷ്​ മിശ്രയെ പൊലീസ്​ അറസ്റ്റ്​ ചെയ്തിരുന്നു. ആശിഷ്​ മിശ്രക്ക്​ അടുത്തിടെ ജാമ്യം ലഭിക്കുകയും ചെയ്തു. ലഖിംപുർ ഖേരിയിലും പിലിഭിത്തിലും സംസാരിക്കവെയാണ്​ ലഖിംപുർ ഖേരി സംഭവത്തെ ജാലിയൻ വാലാബാഗിനോട്​ അഖിലേഷ്​ ഉപമിച്ചത്​.