കാട്ടാന ആക്രമണത്തിൽ ആദിവാസികൾക്ക് പരിക്ക്​; ഒരാളുടെ നില ഗുരുതരം

അടിമാലി: കുറത്തിക്കുടിയിൽ കാട്ടാന ആക്രമണത്തിൽ ആറ്​ ആദിവാസികൾക്ക്​ പരിക്ക്. ഒരാളുടെ നില ഗുരുതരം. ഗുരുതര പരിക്കേറ്റ കുറത്തിക്കുടി സ്വദേശി തങ്കപ്പൻ അർജുനനെ (57) കോട്ടയം മെഡിക്കൽ കോളജ്​ ആശുപത്രിയിൽ പ്രവേശിപ്പിച്ചു. മറ്റുള്ളവരെ വനംവകുപ്പ് ഉദ്യോഗസ്ഥരും പ്രദേശവാസികളും ചേർന്ന് അടിമാലി താലൂക്ക് ആശുപത്രിയിൽ എത്തിച്ചു. ശനിയാഴ്ച വൈകീട്ട് അഞ്ചോടെയാണ്​ സംഭവം.