കൂറുമാറ്റം: ചങ്ങനാശ്ശേരിയിൽ രണ്ട്​ മുൻ കൗൺസിലർമാരെ അയോഗ്യരാക്കി

കോട്ടയം: ചെയർമാൻ തെരഞ്ഞെടുപ്പിൽ കൂറുമാറി വോട്ട് ചെയ്ത ചങ്ങനാശ്ശേരി നഗരസഭയിലെ രണ്ട്​ മുൻ കൗൺസിലർമാരെ അയോഗ്യരാക്കി. 2015ലെ തദ്ദേശ തെരഞ്ഞെടുപ്പിൽ കോൺഗ്രസ് ടിക്കറ്റിൽ വിജയിച്ച 24ാം വാർഡ് കൗൺസിലർ ആതിര പ്രസാദ്, 34ാം വാർഡിലെ അനില രാജേഷ് കുമാർ എന്നിവരാണ്​ ഇവർ. കൂറുമാറ്റ നിരോധന നിയമപ്രകാരം ഇവർക്ക്​ ആറുവർഷത്തേക്ക് തെരഞ്ഞെടുപ്പിൽ മത്സരിക്കാനാകില്ല. ഏഴാം വാർഡ് കൗൺസിലർ ഷൈനി ഷാജി ഫയൽ ചെയ്ത ഹരജിയിൽ, സംസ്ഥാന തെരഞ്ഞെടുപ്പ് കമീഷണർ എ. ഷാജഹാനാണ്​ വിലക്കേർപ്പെടുത്തിയത്​. 2020 ജൂൺ 12 നായിരുന്നു ചെയർമാൻ തെരഞ്ഞെടുപ്പ്​.