വഴിയാത്രക്കാരനെ ഇടിച്ചുവീഴ്ത്തിയ വാഹനം തിരിച്ചറിഞ്ഞില്ല

പൊൻകുന്നം: പൊൻകുന്നം-പുനലൂർ ഹൈവേയിൽ മണ്ണനാനിയിൽ കഴിഞ്ഞദിവസം രാത്രി കാൽനടക്കാരനെ ഇടിച്ചുവീഴ്ത്തി വാഹനം നിർത്താതെപോയി. പരിക്കേറ്റ ചെറുവള്ളി പുത്തേട്ട് അജേഷ് (35) മെഡിക്കൽ കോളജ് ആശുപത്രിയിൽ തീവ്രപരിചരണവിഭാഗത്തിൽ ചികിത്സയിലാണ്. ഇടിച്ചിട്ട വാഹനം കണ്ടെത്താനായി മണിമല പൊലീസ് പ്രദേശത്തെ സി.സി ടി.വി കാമറകൾ പരിശോധിക്കുന്നുണ്ട്. പ്രദേശത്ത് വഴിവിളക്കില്ലാത്തത് അപകടങ്ങൾക്ക് കാരണമാകുന്നതായി പരിസരവാസികൾ പറഞ്ഞു. കഴിഞ്ഞദിവസം വാഹനം അതിവേഗം കടന്നുപോയപ്പോൾ വഴിയാത്രക്കാർക്ക് തിരിച്ചറിയാനാവാതെ വന്നതും വെളിച്ചമില്ലാത്തതുമൂലമാണ്.