റബർ കർഷകരെ കേന്ദ്ര-സംസ്ഥാന സർക്കാറുകൾ അടിമയാക്കാൻ ശ്രമിക്കുന്നു - മോൻസ് ജോസഫ്

കോട്ടയം: റബർ കർഷകരെ അടിമയാക്കാൻ കേന്ദ്ര-സംസ്ഥാന സർക്കാറുകൾ കൈകോർത്തിരിക്കുകയാണെന്ന് കേരള കോൺഗ്രസ് എക്സിക്യൂട്ടിവ് ചെയർമാൻ മോൻസ് ജോസഫ് എം.എൽ.എ. കേരള കോൺഗ്രസ് ജില്ല കമ്മിറ്റിയുടെ നേതൃത്വത്തിൽ കോട്ടയം റബർ ബോർഡ് ഓഫിസ് പടിക്കൽ കേന്ദ്ര-സംസ്ഥാന സർക്കാറുകളുടെ റബർ കർഷകദ്രോഹ നടപടി പിൻവലിക്കണമെന്നാവശ്യപ്പെട്ട്​ നടത്തിയ സമരം ഉദ്ഘാടനം ചെയ്യുകയായിരുന്നു അദ്ദേഹം. യു.ഡി.എഫ്​ സർക്കാർ തുടക്കം കുറിച്ച റബർവില സ്ഥിരതാഫണ്ട് അട്ടിമറിച്ച ഇടത്​ സർക്കാറിന് കേരളത്തിലെ റബർ കർഷകർ മാപ്പ് നൽകില്ലെന്നും എം.എൽ.എ. പറഞ്ഞു. കർഷകർക്ക് ലഭിക്കേണ്ട പലിശരഹിത വായ്പകൾ വൻകിട റബർ മുതലാളിമാർക്ക് വീതംപറ്റി കൊടുക്കുന്ന ഭരണകൂടത്തിന്‍റെ നിലപാട് കർഷക വഞ്ചനയാണ്. റബർ കൃഷിയെ വ്യവസായവത്​കരിച്ചുകൊണ്ട് റബർ കർഷകന് നേരിട്ട് വിപണിയിൽ വിൽക്കാൻ കഴിയാത്ത കരിനിയമം കൊണ്ടുവരാനുള്ള കേന്ദ്രസർക്കാർ നീക്കത്തെ എന്തു വിലകൊടുത്തും ചെറുക്കുമെന്നും അദ്ദേഹം പറഞ്ഞു. കേരള കോൺഗ്രസ് ജില്ല പ്രസിഡന്‍റ്​ സജി മഞ്ഞക്കടമ്പിൽ അധ്യക്ഷത വഹിച്ചു. സെക്രട്ടറി ജനറൽ ജോയി എബ്രഹാം മുഖ്യപ്രസംഗം നടത്തി. പ്രഫ. ഗ്രേസമ്മ മാത്യു, വി.ജെ. ലാലി, പ്രിൻസ് ലൂക്കോസ്, ജയ്​സൺ ജോസഫ്, മാത്തുക്കുട്ടി പ്ലാത്താനം, സന്തോഷ് കാവുകാട്ട്, പി.സി മാത്യു, ചെറിയാൻ ചാക്കോ, അജീത്ത് മുതിരമല, മൈക്കിൾ കാവുകാട്ട്, കുഞ്ഞുമോൻ ഒഴുകയിൽ, കുര്യൻ പി.കുര്യൻ, ജോർജ് പുളിങ്കാട് , സി.വി. തോമസുകുട്ടി, ജോൺ ജോസഫ്, ജോയി സി.കാപ്പൻ, ജോയി ചെട്ടിശേരി, പി.ടി. ജോസ് പാരിപ്പള്ളി, തങ്കച്ചൻ മണ്ണുശേരി, ദീപു തേക്കുംകാട്ടിൽ, ആപ്പാഞ്ചിറ പൊന്നപ്പൻ, ജോഷി വട്ടക്കുന്നേൽ, ജയിംസ്​ ചടനാക്കുഴി, ജോസ് ജയിംസ്, മോഹൻദാസ് ആബലാറ്റ്, ഷിജു പാറയിടുക്കിൽ, കുര്യൻ വട്ടമല, തോമസ് മാളികക്കൽ, കുഞ്ഞ് കളപ്പുര എന്നിവർ സംസാരിച്ചു. KTL Mons joseph കേരള കോൺഗ്രസ് ജില്ല കമ്മിറ്റി നേതൃത്വത്തിൽ കോട്ടയം റബർ ബോർഡ് ഓഫിസ് പടിക്കൽ സമരം നടത്തുന്നു