പിക്​അപ് വാൻ ലോറിയിലിടിച്ചു; രണ്ടുപേർക്ക് പരിക്ക്

എലിക്കുളം: പാലാ-പൊൻകുന്നം റോഡിൽ മടുക്കക്കുന്ന് വളവിൽ പിക്അപ് വാൻ ലോറിയിലേക്ക്​ ഇടിച്ചുകയറി. ഇരുവാഹനത്തിലെയും ഡ്രൈവർമാർക്ക് പരിക്കേറ്റു. ലോറി ഡ്രൈവർ മൈതീൻ (52), പിക്​അപ്പ് വാൻ ഡ്രൈവർ അർഷാദ്(26) എന്നിവരെ ആശുപത്രിയിൽ പ്രവേശിപ്പിച്ചു. ചൊവ്വാഴ്ച പുലർച്ച പാലുമായി വന്ന പിക്​അപ് വാൻ മടുക്കക്കുന്ന് പള്ളിക്ക്​ സമീപത്തെ വളവിൽ നിയന്ത്രണംവിട്ട് എതിരെവന്ന ലോറിയിലേക്ക് ഇടിച്ചുകയറുകയായിരുന്നു. വാനി‍ൻെറ മുൻവശം വെട്ടിപ്പൊളിച്ചാണ് ഉള്ളിൽ കുടുങ്ങിപ്പോയ അർഷാദിനെ പുറത്തിറക്കിയത്. KTL VZR 11 Road Accident പാലാ-പൊൻകുന്നം റോഡിൽ എലിക്കുളം മടുക്കക്കുന്നിൽ അപകടത്തിൽപെട്ട വാഹനങ്ങൾ