പ്ലസ് വൺ വിദ്യാർഥിനിയെ പീഡിപ്പിച്ച യുവാവ്​ അറസ്റ്റിൽ

പാലാ: പ്ലസ് വൺ വിദ്യാർഥിനിയെ പ്രണയം നടിച്ച് പീഡിപ്പിച്ച കേസിൽ യുവാവ്​ അറസ്റ്റിൽ. മൂന്നിലവ് പടിപ്പുരക്കൽ വിപിനെയാണ് ​(അച്ചു-20) പാലാ സി.ഐ കെ.പി. തോംസൺ അറസ്റ്റ് ചെയ്തത്. കശാപ്പ് ജോലി ചെയ്തിരുന്ന വിപിൻ സമൂഹമാധ്യമത്തിലൂടെയാണ് പെൺകുട്ടിയുമായി പരിചയത്തിലായത്​. കൗൺസലിങ്ങിൽ പെൺകുട്ടി പീഡനവിവരം വെളിപ്പെടുത്തുകയായിരുന്നു. എസ്.ഐ അഭിലാഷ് എം.ഡി, ഷാജി കുര്യാക്കോസ്, എ.എസ്.ഐ ശ്രീലതാമ്മാൾ, സീനിയർ സിവിൽ പൊലീസ് ഓഫിസർ ബിനുമോൾ എന്നിവർ ചേർന്നാണ് പ്രതിയെ പിടികൂടിയത്.