വോട്ടർ പട്ടികയിൽ പേരുചേർക്കാം

ഏറ്റുമാനൂർ: ഉപതെരഞ്ഞെടുപ്പുമായി ബന്ധപ്പെട്ട് ഏറ്റുമാനൂർ നഗരസഭ വാർഡ് 35 ലെ (അമ്പലം) വോട്ടർപട്ടിക പുതുക്കുന്നു. 2022 ജനുവരി ഒന്നിനോ അതിന് മുമ്പോ 18 വയസ്സ്​ തികഞ്ഞവർക്ക് പേര്​ ചേർക്കാം. കരട് വോട്ടർപട്ടിക ഫെബ്രുവരി 16ന് പ്രസിദ്ധീകരിക്കും. മാർച്ച് മൂന്നിന് വൈകീട്ട് അഞ്ചുവരെ അപേക്ഷകളും ആക്ഷേപങ്ങളും സ്വീകരിക്കും. അന്തിമ വോട്ടർപട്ടിക മാർച്ച് 16ന് പ്രസിദ്ധീകരിക്കും. വോട്ടർ പട്ടികയിൽ പേര് ഉൾപ്പെടുത്തുന്നതിനുള്ള അവകാശവാദങ്ങളും പട്ടിക സംബന്ധിച്ച ആക്ഷേപങ്ങളും ഒരു പോളിങ്​ സ്റ്റേഷനിൽനിന്ന് മറ്റൊരു സ്റ്റേഷനിലേക്കോ ഒരു വാർഡിൽനിന്ന് മറ്റൊരു വാർഡിലേക്കുള്ള സ്ഥാനമാറ്റം സംബന്ധിച്ച അപേക്ഷകളും ഓൺലൈനായാണ് സ്വീകരിക്കുക. പേര് ഒഴിവാക്കുന്നത് സംബന്ധിച്ച ആക്ഷേപങ്ങൾ നേരിട്ടോ രജിസ്‌ട്രേഡ് തപാലിലൂടെയോ സ്വീകരിക്കും.