കലാലയങ്ങള്‍ മതതീവ്രവാദത്തിന്റെ ഇടത്താവളമാകരുത്​ -ലെയ്റ്റി കൗണ്‍സില്‍

കോട്ടയം: വര്‍ഗീയതയും തീവ്രവാദവും വിദ്യാഭ്യാസ മേഖലയിലേക്ക്​ വ്യാപിക്കുന്നതും യുവമനസ്സുകളില്‍ ഭീകരവാദചിന്തകളും പരസ്പരവിദ്വേഷവും സൃഷ്ടിക്കുന്നതും രാജ്യത്ത് വലിയ അപകടം ക്ഷണിച്ചുവരുത്തുമെന്ന് കാത്തലിക് ബിഷപ്‌സ് കോണ്‍ഫറന്‍സ് ഓഫ് ഇന്ത്യ ലെയ്റ്റി കൗണ്‍സില്‍ സെക്രട്ടറി വി.സി. സെബാസ്റ്റ്യന്‍ പറഞ്ഞു. വിദ്യാലയ അന്തരീക്ഷത്തില്‍ മതത്തിന്റെയും ജാതിയുടെയും പേരില്‍ യുവത്വം തമ്മിലടിക്കുന്നത്​ ആവര്‍ത്തിക്കാന്‍ അനുവദിക്കരുത്. മതതീവ്രവാദത്തിന്റെ ഇടത്താവളമായി കലാലയങ്ങള്‍ മാറിയാല്‍ രാജ്യത്തുടനീളം അരാജകത്വമുണ്ടാകും. കലാലയ യൂനിഫോമുകള്‍ തുല്യതയുടെ അടയാളങ്ങളാണ്. വളരുന്ന തലമുറയില്‍ വേര്‍തിരിവുകളില്ലെന്നും എല്ലാവരും സമന്മാരാണെന്നുമുള്ള സന്ദേശമാണ് അത്​ നല്‍കുന്നത്. അതിനെ മതത്തിന്റെ കണ്ണില്‍ക്കൂടി കാണാന്‍ ശ്രമിക്കരുതെന്നും പ്രസ്​താവനയിൽ പറഞ്ഞു. കേരള കോണ്‍ഗ്രസ്​ എം സ്റ്റിയറിങ്​ കമ്മിറ്റി നാളെ കോട്ടയം: കേരള കോണ്‍ഗ്രസ് എം സംസ്ഥാന സ്റ്റിയറിങ്​ കമ്മിറ്റി യോഗം തിങ്കളാഴ്ച്ച കോട്ടയത്തെ സംസ്ഥാന കമ്മറ്റി ഓഫിസില്‍ നടക്കും. ചെയര്‍മാന്‍ ജോസ് കെ. മാണി എം.പി അധ്യക്ഷത വഹിക്കും.