കുടിവെള്ള പ്രശ്നത്തിന് അടിയന്തര പരിഹാരം വേണമെന്ന്​

പൊൻകുന്നം: ചിറക്കടവ് ഗ്രാമപഞ്ചായത്തിലെ കുടിവെള്ള പ്രശ്നപരിഹാരത്തിന് അടിയന്തര നടപടി സ്വീകരിക്കണമെന്ന് ഗ്രാമപഞ്ചായത്ത് പ്രസിഡന്‍റ്​ സി.ആർ. ശ്രീകുമാർ ജലഅതോറിറ്റി അധികൃതരോട് ആവശ്യപ്പെട്ടു. കെ.എസ്.ടി.പി റോഡ് പണി മൂലം തകരാറിലായ പൈപ്പ് ലൈൻ ഉടൻ പുനഃസ്ഥാപിച്ച് എല്ലാ മേഖലയിലും ജലവിതരണം പുനഃസ്ഥാപിക്കണം. ഗ്രാമപഞ്ചായത്ത് പൈപ്പ് ലൈൻ എക്സ്റ്റൻഷനു വേണ്ടി വാട്ടർ അതോറിറ്റിയിൽ ഡെപ്പോസിറ്റ് ​ചെയ്ത 30 ലക്ഷം രൂപയുടെ ലൈൻ എക്സ്റ്റഷൻ പ്രവൃത്തി ഉടൻ പൂർത്തീകരിക്കണമെന്നും സി.ആർ. ശ്രീകുമാർ ആവശ്യപ്പെട്ടു.