എം.ജി വാർത്തകൾ

പരീക്ഷഫലം 2021 ഡിസംബറിൽ സ്കൂൾ ഓഫ് ഇന്ത്യൻ ലീഗൽ തോട്ട് നടത്തിയ 10ാം സെമസ്റ്റർ ബി.ബി.എ-എൽഎൽ.ബി (ഓണേഴ്‌സ് - പഞ്ചവത്സരം) പരീക്ഷയുടെ ഫലം പ്രഖ്യാപിച്ചു. പുനർനിർണയത്തിനും സൂക്ഷ്മപരിശോധനക്കുമുള്ള അപേക്ഷകൾ യഥാക്രമം 370 രൂപ, 160 രൂപ നിരക്കിലെ ഫീസ് സഹിതം ഫെബ്രുവരി 23 വരെ പരീക്ഷ കൺട്രോളറുടെ കാര്യാലയത്തിൽ സ്വീകരിക്കും. 2021 ജൂലൈയിൽ നടന്ന ആറാം സെമസ്റ്റർ എൽഎൽ.ബി (പഞ്ചവത്സരം -സപ്ലിമെന്‍ററി / മേഴ്‌സി ചാൻസ്) പരീക്ഷയുടെ ഫലം പ്രഖ്യാപിച്ചു. പുനർമൂല്യനിർണയത്തിനും സൂക്ഷ്മപരിശോധനക്കുമുള്ള അപേക്ഷകൾ യഥാക്രമം 370 രൂപ, 160 രൂപ നിരക്കിലെ ഫീസ് സഹിതം ഫെബ്രുവരി 23 വരെ പരീക്ഷ കൺട്രോളറുടെ കാര്യാലയത്തിൽ സ്വീകരിക്കും. ടെക്‌നിക്കൽ അസിസ്റ്റന്‍റ്​ -കരാർ നിയമനം കോട്ടയം: മഹാത്മാ ഗാന്ധി സർവകലാശാലയിലെ നാഷനൽ ഇൻസ്റ്റിറ്റ്യൂട്ട് ഓഫ് പ്ലാന്‍റ്​ സയൻസ് ടെക്‌നോളജിയിൽ ടെക്നിക്കൽ അസിസ്റ്റന്റ് തസ്തികയിൽ താൽക്കാലിക കരാറടിസ്ഥാനത്തിൽ നിയമനത്തിന് അപേക്ഷ ക്ഷണിച്ചു. നിയമന കാലാവധി ഒരു വർഷമാണ്. ഈഴവ വിഭാഗത്തിന്​ സംവരണം ചെയ്തിട്ടുള്ള ഒരൊഴിവിലേക്ക് പ്ലാന്‍റ്​ സയൻസ് അല്ലെങ്കിൽ ബോട്ടണിയിൽ ബിരുദാനന്തര ബിരുദവും ലബോറട്ടറിയിൽ രണ്ടുവർഷം പ്രവൃത്തിപരിചയവും ഉണ്ടാകണം. ഹെർബേറിയം മാനേജ്‌മെന്റിലെ പരിചയം അഭികാമ്യം. കൂടുതൽ വിവരങ്ങൾക്കും അപേക്ഷഫോറത്തിനും www.mgu.ac.in വെബ്‌സൈറ്റ് സന്ദർശിക്കുക.