പരസ്പരം കൈമാറിയ ടിക്കറ്റിന് ഒന്നാംസമ്മാനം

കങ്ങഴ: വിന്‍വിന്‍ ലോട്ടറിയുടെ ഒന്നാം സമ്മാനം പത്തനാട്ടെ ലോട്ടറി വില്‍പനക്കാരന്‍ പുറമ്പോട്ടുതാഴെ കൊറ്റന്‍ചിറ വീട്ടില്‍ കാസിം റാവുത്തര്‍ക്ക് (80). തിങ്കളാഴ്ച നറുക്കെടുത്ത ലോട്ടറിയുടെ ഒന്നാംസമ്മാനം ലോട്ടറി കച്ചവടക്കാരനായ കാസി റാവുത്തര്‍ക്ക് സുഹൃത്തായ പത്തനാട്ടെ മറ്റൊരു ലോട്ടറി വില്‍പനക്കാരന്‍ വളൂര്‍വീട്ടില്‍ കാസിം നല്‍കിയ ടിക്കറ്റിനാണ് ലഭിച്ചത്​. എല്ലാ ദിവസവും പത്തനാട്ട് ടിക്കറ്റുകളുമായി എത്തുന്ന ഇവര്‍ പരസ്പരം ഓരോ ടിക്കറ്റുകള്‍ കൈമാറുന്നത് പതിവാണ്. കഴിഞ്ഞ ദിവസവും ടിക്കറ്റ് കൈമാറി. വൈകീട്ട് ഫലം നോക്കിയപ്പോളാണ് തന്‍റെ കൈവശമുള്ള ടിക്കറ്റിന് ഒന്നാം സമ്മാനം ലഭിച്ച വിവരം കാസിം റാവുത്തര്‍ അറിയുന്നത്. എട്ടുമാസം മുമ്പ്​ ഭാര്യ മരിച്ചതോടെ കാസിം റാവുത്തര്‍ ഒറ്റക്കാണ് കഴിയുന്നത്. ടിക്കറ്റ് കങ്ങഴ സര്‍വിസ് സഹകരണ ബാങ്ക് ശാഖയില്‍ ഏല്‍പിച്ചു. കാസിം റാവുത്തര്‍