തെരഞ്ഞെടുപ്പ് പ്രവർത്തനങ്ങൾ ശക്തമാക്കി കേരള കോൺഗ്രസ് എം

കോട്ടയം: നിയമസഭ തെരഞ്ഞെടുപ്പിന് മുന്നോടിയായി താഴെത്തട്ടിൽ പ്രവർത്തനം ശക്തമാക്കുന്നതിനും വോട്ടർമാരിൽനിന്ന് നിർദേശങ്ങൾ സ്വീകരിക്കുന്നതിനുമായി കേരള കോൺഗ്രസ് എം പാർട്ടി ജില്ല നേതൃത്വത്തി​ൻെറ തീരുമാനപ്രകാരം ജില്ലയിൽ ഉടനീളം പ്രവർത്തനങ്ങൾക്ക് തുടക്കംകുറിച്ചു. ബൂത്ത് യോഗങ്ങൾക്കും വാഹനപ്രചാരണജാഥക്കും ശേഷം കടുത്തുരുത്തിയിലെ മോനിപ്പള്ളിയിൽ നടത്തിയ ജില്ലതല വിശദീകരണയോഗം പാർട്ടി ചെയർമാൻ ജോസ് കെ.മാണി ഉദ്​ഘാടനം ചെയ്തു. തുടർന്ന് യുവജനങ്ങളുമായി ആശയവിനിമയം നടത്തുന്നതിന് പാലായിലെ മുത്തോലിയിൽ ജോസ് കെ.മാണിയുടെ സാന്നിധ്യത്തിൽ ജില്ലതല യുവജന സമ്മേളനവും ചർച്ച ക്ലാസും നടത്തി. തുടർപ്രവർത്തണമെന്ന നിലയിൽ 10ന്​ രാവിലെ കോട്ടയം ഹെഡ്പോസ്​റ്റ്​ ഓഫിസിന്​ മുന്നിൽ പാചക വിലവർധനക്ക്​ എതിരെ പാർട്ടിപ്രവർത്തകർ ധർണ നടത്തും. അതേദിവസം നാലിന് കാഞ്ഞിരപ്പള്ളിയിൽ മണ്ഡലം ചർച്ച ക്ലാസും നടത്തും. കൂടാതെ 11ന് ചങ്ങനാശ്ശേരിയിൽ നടത്തുന്ന വികസന സന്ദേശയാത്രയുടെ സമാപനസമ്മേളനം ജോസ് കെ.മാണി ഉദ്​ഘാടനം ചെയ്യും. 12ന്​ കോട്ടയത്ത്​ ലോയേഴ്സ് കോൺഗ്രസ് സമ്മേളനവും 13, 14 തീയതികളിൽ കോട്ടയത്ത്​ മണ്ഡലം കൺവെൻഷനുകളും നടത്തും. 18,19 തീയതികളിൽ ജില്ലയിൽ നടത്തുന്ന എൽ.ഡി.എഫ്​ ജാഥയുടെ വിജയത്തിനുള്ള പ്രവർത്തനങ്ങൾ വിലയിരുത്താനായി 13, 14 തീയതികളിൽ ജില്ലയിലെ എല്ലാ മണ്ഡലം കമ്മിറ്റികളും കൂടുമെന്ന് പാർട്ടി ജില്ല പ്രസിഡൻറ്​ സണ്ണി തെക്കേടം ജനറൽ സെക്രട്ടറി ജോസഫ് ചാമക്കാല എന്നിവർ അറിയിച്ചു. പൂഞ്ഞാർ, വൈക്കം, ഏറ്റുമാനൂർ നിയോജകമണ്ഡലങ്ങളിലെ ബൂത്ത്തല ചർച്ചകളും കൺ​െവൻഷനുകളും 30 തീയതിക്കുള്ളിൽ പൂർത്തീകരിക്കുമെന്നും പറഞ്ഞു.