ചങ്ങനാശ്ശേരി പിടിക്കാൻ ഇടത്തും വലത്തും ​'പോരാട്ടം'

ചങ്ങനാശ്ശേരി പിടിക്കാൻ ഇടത്തും വലത്തും ​'പോരാട്ടം' വികസന സെമിനാർ മുതൽ പദയാത്രവരെ കോട്ടയം: സീറ്റുറപ്പിക്കാൻ വികസന സെമിനാർ മുതൽ പദയാത്രവരെ, ഒപ്പം പാരമ്പര്യവാദങ്ങളും... ചങ്ങനാശ്ശേരിക്കായി മുന്നണികളിൽ കനത്ത ​'പോരാട്ടം'. ചങ്ങനാശ്ശേരിയെ 40 വർഷം നിയമസഭയിൽ പ്രതിനിധാനം ചെയ്​ത സി.എഫ്​. തോമസ്​ മറഞ്ഞതോടെതാണ്​ സ്ഥാനാർഥിമോഹികൾ കൂട്ടത്തോടെ രംഗത്തുള്ളത്​. കേരള കോൺഗ്രസിലെ പിളർപ്പിൽ സി.എഫ്​. തോമസ്​ ജോസഫിനൊപ്പമായിരുന്നു നിലയുറപ്പിച്ചതെന്നതിനാൽ യു.ഡി.എഫിൽ ഇവർ തമ്മിലാണ്​ സീറ്റിനായി കൂട്ടയിടി. ഇതിനിടെ, പി.ജെ. ജോസഫ്​ സാധ്യതപ്പട്ടിക പ്രഖ്യാപിക്കുകയും ചെയ്​തതോടെ മത്സരം മുറുകി. സി.എഫ്. തോമസി​ൻെറ മകൾ സിനി തോമസ്, സി.എഫി​ൻെറ സഹോദരൻ സാജൻ ഫ്രാൻസിസ്, വി.ജെ. ലാലി, കെ.എഫ്. വർഗീസ്​ എന്നിവരാണ്​ ജോസഫി​ൻെറ പട്ടികയിൽ കയറിക്കൂടിയിരിക്കുന്നത്​. ഇതിനിടെ, ഒപ്പം 'മത്സരിക്കുന്നവരെ' പിന്നിലാക്കാൻ ജോസഫ് വിഭാഗം സംസ്ഥാന ട്രഷറർകൂടിയായ കെ.​​എ​​ഫ്. ​​വ​​ർ​​ഗീ​​സ്​ 'വി​​ഷൻ -2025' എന്ന പേരിൽ ചങ്ങനാശ്ശേരി വികസനശി​​ൽപ​​ശാ​​ലയും സംഘടിപ്പിച്ചു. പിന്നാലെ കുടുംബപാരമ്പര്യ​ം ഉയർത്തി സാജൻ ഫ്രാൻസിസ്​ മത്സരിക്കാൻ തയാറെടുപ്പുകളെല്ലാം പൂർത്തിയാക്കിയതായും പാ​ർട്ടിയുടെ അനുമതിക്ക്​ കാക്കുകയാണെന്നും​ പ്രഖ്യാപിച്ചു. വർഷങ്ങളായി ജോസഫിനൊപ്പം നിലയുറപ്പിച്ചിട്ടുള്ള വി.ജെ. ലാലി തികഞ്ഞ പ്രതീക്ഷയിൽ ഭവന സന്ദര്‍ശനത്തിലാണ്‌. പ്രമുഖരെ ഒരുവട്ടം സന്ദർശിച്ചു കഴിഞ്ഞു. ഇതിനിടെ, കോൺഗ്രസ്​ നേതാക്കളും ചങ്ങനാശ്ശേരിക്ക്​ വട്ടംചുറ്റുന്നുണ്ട്​. ഇരിക്കൂറില്‍നിന്ന്​ കോട്ടയത്തേക്ക്​ മടങ്ങിയെത്തിയ മുതിര്‍ന്ന നേതാവ്‌ കെ.സി. ജോസഫാണ്​ പട്ടികയിലെ മുമ്പൻ. എന്നാൽ, ആദ്യഘട്ടത്തിലുണ്ടായിരുന്ന ആവേശം ഇപ്പോഴി​െല്ലന്നാണ്​​ ​േകാൺഗ്രസുകാർതന്നെ പറയുന്നത്​. മികച്ച അഭിപ്രായമുള്ള ഡോ. അജീഷ് ബെന്‍ മാത്യൂസിന്​ അവസരമെന്ന മുറവിളിയും ഉയരുന്നുണ്ട്​. കോട്ടയം ഡി.സി.സി പ്രസിഡൻറ്​ ജോഷി ഫിലിപ്പും ചങ്ങനാശ്ശേരിക്ക്​ കണ്ണെറിയുന്നു. പദയാത്ര പ്രഖ്യാപിച്ചാണ്​ കേരള കോൺഗ്രസ്​-എം ഉന്നതാധികാരസമിതി അംഗം ജോബ്​ മൈക്കിൾ ഇടത്​കുപ്പായം ലക്ഷ്യമിട്ട്​ രംഗത്തിറങ്ങിയത്​​. നാലുദിവസം നീളുന്ന പദയാത്ര തിങ്കളാഴ്​ച റോഷി അഗസ്​റ്റിൻ എം.എൽ.എയാണ്​ ഉദ്​ഘാടനം ചെയ്​തതെങ്കിൽ സമാപനത്തിന്​ ജോസ്​ കെ. മാണി എത്തും. ഇതിനിടെ, ജോബ്​ മൈക്കിളിനെ വെട്ടാൻ ​ജോസ്​ കെ. മാണിയു​െട വിശ്വസ്​തനായി മാറിയ പഴയ സി.പി.എമ്മുകാരൻ പ്രമോദ്​ നാരായണ​ൻെറ പേര്​ ഒരുവിഭാഗം സജീവമാക്കുന്നുണ്ട്​. അതിനിടെ, കഴിഞ്ഞ തവണ മത്സരിച്ച ജനാധിപത്യ കോൺഗ്രസ്​ ചങ്ങനാശ്ശേരിക്കായി രംഗത്തുണ്ട്​. കഴിഞ്ഞ തവണ ചെറിയ ഭൂരിപക്ഷത്തിൽ തോറ്റ ഡോ.കെ.സി. ജോസഫിന്​ വീണ്ടും അവസരമെന്ന ആവശ്യം ഇവർ പിണറായി വിജയനെ അറിയിച്ചിട്ടുണ്ട്​. ഇതിനൊപ്പം കാഞ്ഞിരപ്പള്ളി വിട്ടുകൊടുത്താൽ പകരം സി.പി.ഐ​ ചങ്ങനാശ്ശേരി, പൂഞ്ഞാർ മണ്ഡലങ്ങളിലൊന്ന്​ ആവശ്യപ്പെടുമെന്ന സൂചനകളുമുണ്ട്​.