മുഖ്യധാരാ രാഷ്​ട്രീയപാർട്ടികൾ നേതൃസ്ഥാനങ്ങളിൽനിന്ന്​ ദലിതരെ ഒഴിവാക്കുന്നു -ദലിത്​ ലീഡേഴ്​സ്​ കൗൺസിൽ

കോട്ടയം: കേരളത്തിലെ മുഖ്യധാരാ രാഷ്​ട്രീയപാർട്ടികൾ പ്രധാന നേതൃസ്ഥാനങ്ങളിൽനിന്ന്​ ബോധപൂർവം ദലിതരെ ഒഴിവാക്കു​െന്നന്ന്​ സ്​റ്റേറ്റ്​ ദലിത്​ ലീഡേഴ്​സ്​ കൗൺസിൽ ജനറൽ സെക്രട്ടറി ഐ.കെ. രവീന്ദ്രരാജ്​ വാർത്തസമ്മേളനത്തിൽ ആരോപിച്ചു. യു.ഡി.എഫ്​, എൽ.ഡി.എഫ്, എൻ.ഡി.എ​ മുന്നണികളുടെ നയരൂപവത്​കരണ സമിതികളിലോ നേതൃസ്ഥാനങ്ങളിലോ ദലിത്​ സമുദായത്തിൽനിന്ന്​ ഒരാൾപോലും ഇല്ല. നൂറ്റമ്പതിലേറെ പേരെ ഉൾപ്പെടുത്തി കെ.പി.സി.സി പുനഃസംഘടിപ്പിച്ചപ്പോൾപോലും ദലിത്​ സമുദായത്തിലെ ഭൂരിപക്ഷ വിഭാഗങ്ങളായ സിദ്ധനർ, സാംബവർ, പുലയർ, ദലിത്​ ക്രൈസ്​തവർ വിഭാഗങ്ങളെ ഒഴിവാക്കി. മുഖ്യധാരാ രാഷ്​ട്രീയപാർട്ടികളുടെ പോഷകസംഘടനകളുടെ നേതൃസ്ഥാനങ്ങളിലും ഇതുത​െന്നയാണ്​ സ്ഥിതി. രക്ഷാധികാരി ഡി.പി. കാഞ്ചിറാം, ചെയർമാൻ പി.ജി. ഗോപി, സെക്രട്ടറി പാറമ്പുഴ ഗോപി, വൈസ്​ ചെയർമാൻ പി.എസ്​. പ്രസാദ്​ എന്നിവരും വാർത്തസമ്മേളനത്തിൽ പ​ങ്കെടുത്തു.