സ്‌കൂട്ടറും കാറും കൂട്ടിയിടിച്ച് ദമ്പതികൾക്ക് പരിക്ക്

കോട്ടയം: കാർ സ്​കൂട്ടറിലിടിച്ച്​ ദമ്പതികൾക്ക് പരിക്കേറ്റു. ചെങ്ങളം തെക്കേക്കുറ്റ് അഗ്രേഷ് (27), ഭാര്യ അക്ഷയ (21) എന്നിവർക്കാണ് പരിക്കേറ്റത്. ഞായറാഴ്ച ഉച്ചക്ക്​ സി.എം.എസ് കോളജ് റോഡിലാണ് സംഭവം. ചെങ്ങളം ഭാഗത്തുനിന്ന്​ നഗരത്തിലേക്ക്​ സ്കൂട്ടറിൽ വരികയായിരുന്നു ദമ്പതിമാർ. ഇതിനിടെ എതിർ ദിശയിൽനിന്ന്​ എത്തിയ കാർ നിയന്ത്രണംവിട്ട് ഇവരുടെ സ്‌കൂട്ടറിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡിൽ വീണ ഇരുവരെയും നാട്ടുകാർ ചേർന്ന് ജില്ല ജനറൽ ആശുപത്രിയിൽ എത്തിച്ചു. ഇവരുടെ പരിക്ക് ഗുരുതരമല്ല.