സ്വാമി അയ്യപ്പദാസിന് മർദനം; പ്രതികൾ കോടതിയിൽ കീഴടങ്ങി

തൊടുപുഴ: അയ്യപ്പസേവാസമാജം ദേശീയ ഉപാധ്യക്ഷൻ സ്വാമി അയ്യപ്പദാസിനെ അക്രമിച്ച പ്രതികൾ കോടതിയിൽ കീഴടങ്ങി. മാർത്തോമ സ്വദേശികളായ ആൽബിൻ, ജിൻസ് എന്നിവരാണ് ബുധനാഴ്ച മുട്ടം ഫസ്റ്റ്​ക്ലാസ് മജിസ്ട്രേറ്റ് കോടതിയിൽ കീഴടങ്ങിയത്. ഇവരെ 29വരെ റിമാൻഡ്​ ചെയ്തു. ഞായറാഴ്ച രാത്രി ഏഴോടെ കാരിക്കോട് ഭഗവതി ക്ഷേത്രത്തിന് മുന്നിലാണ് കേസിനാസ്പദമായ സംഭവം. കാറിലെത്തിയ പ്രതികൾ സ്വാമി അയ്യപ്പദാസ് സഞ്ചരിച്ച വാഹനം അക്രമിക്കുകയും സ്വാമിയെ വധിക്കാൻ ശ്രമിച്ചു എന്നുമാണ് കേസ്. അക്രമം തടയാൻ ശ്രമിച്ച ഓട്ടോറിക്ഷ ഡ്രൈവറെയും പ്രതികൾ മർദിച്ചു എന്നും പരാതിയുണ്ട്.