രാജ്യത്തിന് പിറന്നാൾ; ദുമ്മിനി മാഷിനും

പൊൻകുന്നം: രാജ്യം 75ാം പിറന്നാൾ കൊണ്ടാടുമ്പോൾ തെക്കേത്തുകവല പാമ്പൂരിക്കൽ വീടിന് മറ്റൊരു പിറന്നാൾ ആഘോഷം കൂടി. ഗൃഹനാഥൻ റിട്ട. അധ്യാപകൻ പി.സി. ദുമ്മിനിയുടെ പിറന്നാൾ. 1947 ആഗസ്റ്റ് 15നാണ് ഇദ്ദേഹത്തിന്റെ ജനനം. ത്രിവർണപതാക പാറിക്കളിക്കുന്ന അഭിമാനനിമിഷത്തിൽ ജന്മദിനാഘോഷം കൊണ്ടാടുന്നതിന്റെ ത്രിൽ ചെറുതല്ല പാമ്പൂരിക്കൽ വീടിന്. ഓരോ സ്വാതന്ത്ര്യദിനവും ജന്മദിനവും സംയുക്തമായി ആഘോഷിക്കുന്ന അപൂർവം വീടുകളിലൊന്നാണിത്. നെടുങ്കാവുവയൽ ഗവ. യു.പി. സ്‌കൂൾ പ്രഥമാധ്യാപകനായി വിരമിച്ച ദുമ്മിനി ഇപ്പോഴും കൃഷിജോലികളിൽ സജീവം. പനച്ചേപ്പള്ളി ഗവ. എൽ.പി സ്‌കൂൾ പ്രഥമാധ്യാപികയായി വിരമിച്ച സി.വി. ത്രേസ്യാമ്മയാണ് ഭാര്യ. സാവിയോ ഡൊമിനിക്, ഡോണ മരിയ എന്നിവരാണ് മക്കൾ. KTL VZR 5 Dumini Sir ചിത്രവിവരണം പി.സി. ദുമ്മിനി