വിദ്യാർഥികളെ ആദരിക്കും

ചങ്ങനാശ്ശേരി: ചങ്ങനാശ്ശേരി സുഹൃത് സദസ്സിന്റെയും കെ.എം. മാണി ഫൗണ്ടേഷന്റെയും ആഭിമുഖ്യത്തിൽ പത്താം ക്ലാസ്, പ്ലസ് ടു പരീക്ഷകളിൽ ഉന്നതവിജയം നേടിയ സ്കൂളുകളെയും വിദ്യാർഥികളെയും ആദരിക്കുമെന്ന് ജോബ് മൈക്കിൾ എം.എൽ.എ അറിയിച്ചു. ഞായറാഴ്ച ഉച്ചക്ക്​ രണ്ടിന് ചങ്ങനാശ്ശേരി അരിക്കത്തിൽ ഓഡിറ്റോറിയത്തിലാണ്​ പരിപാടി. എം.ജി സർവകലാശാല മുൻ വൈസ് ചാൻസലർ ഡോ. ബാബു സെബാസ്റ്റ്യൻ, മുഖ്യപ്രഭാഷണം നടത്തും. സിവിൽ സർവിസ് റാങ്ക്​ ജേതാവ് ദിലീപ് കൈനിക്കരയെ ആദരിക്കും.