ആനയുടെ മുന്നിൽപെട്ട തൊഴിലാളികൾക്ക് വീണ്​ പരി​ക്കേറ്റു

മുണ്ടക്കയം ഈസ്റ്റ്​: ടി ആർ ആൻഡ് ടി എസ്റ്റേറ്റിൽ ഇ.ഡി.കെ ഡിവിഷന്‍റെ വനാതിർത്തി പ്രദേശങ്ങളിൽ കാട്ടാനകൾ നിലയുറപ്പിച്ചതോടെ നാട്ടുകാർ ഭീതിയിൽ. വെള്ളിയാഴ്ച പുലർച്ച കാട്ടാനയെക്കണ്ട് ഓടിയ തൊഴിലാളികളായ ആന്‍റപ്പൻ, സ്വാമിനാഥൻ എന്നിവർക്ക്​ വീണ് പരിക്കേറ്റു. ഇ.ഡി.കെ ഡിവിഷനിൽ തൊഴിലാളികൾ താമസിക്കുന്ന ലയത്തിന് സമീപമാണ് കാട്ടാനകൾ കൂട്ടമായി എത്തുന്നത്. രാത്രികാലങ്ങളിൽ പടക്കം പൊട്ടിച്ചും തീയിട്ടുമാണ് ജനങ്ങൾ ആനയെ ഓടിക്കുന്നത്.