ഉറുമ്പിക്കര ഈസ്റ്റ് ആദിവാസി കോളനി വില്ലേജ് അധികൃതർ സന്ദർശിച്ചു

slug (മാധ്യമം ഇംപാക്ട്) കൊക്കയാർ: ഉറുമ്പിക്കര ഈസ്റ്റ് ആദിവാസി കോളനിയുടെ ദുരിതമറിയാൻ വില്ലേജ് അധികൃതർ സന്ദർശനം നടത്തി. പ്രളയംമൂലം പാലവും റോഡും എല്ലാം നഷ്ടപ്പെട്ട്​ ഒറ്റപ്പെട്ടുകഴിയുന്ന ആദിവാസി കോളനിയായ ഉറുമ്പിക്കര ഈസ്റ്റ് കോളനിയാണ് കൊക്കയാർ വില്ലേജ് ഓഫിസർ ബീനയുടെ നേതൃത്വത്തിൽ റവന്യൂസംഘം സന്ദർശിച്ചത്. കോളനിയിലെത്തിയ സംഘം കോളനി നിവാസികളുടെ ദുരിതങ്ങൾ അന്വേഷിച്ചറിഞ്ഞു. റോഡും പാലങ്ങളുമില്ലാതെ ദുരിതത്തിലായവരോട് ഇവരുടെ വിഷയങ്ങൾ സർക്കാറിനെ അറിയിക്കുമെന്ന്​ അറിയിച്ചു. കമ്പി വലിച്ചുകെട്ടി കുത്തൊഴുക്കുള്ള തോട് മുറിച്ചുകടക്കുന്നത് അപകടകരമാണെന്നും അത് ഉപേക്ഷിക്കണമെന്നും സംഘം നിർദേശിച്ചു. കോളനി നിവാസികളുടെ ദുരവസ്ഥ മാധ്യമം റിപ്പോർട്ട് ചെയ്തിരുന്നു. ഇതേ തുടർന്നാണ് സന്ദർശനം. KTG w BL Urumbikara Colony Story impact വില്ലേജ് അധികൃതർ ഉറുമ്പിക്കര ഈസ്റ്റ് ആദിവാസി കോളനി സന്ദർശിക്കുന്നു