ഇടുക്കിയിൽ വിനോദസഞ്ചാരത്തിന്​ വിലക്ക്​

തൊടുപുഴ: ഇടുക്കി ജില്ലയിലെ എല്ലാവിധ വിനോദസഞ്ചാരവും ഇനിയൊരു ഉത്തരവുണ്ടാകുന്നതുവരെ നിരോധിച്ച്​ കലക്ടർ ഉത്തരവായി. ശക്തമായ മഴയെത്തുടർന്ന്​ മൂന്നാർ ഉൾപ്പെടെ മേഖലകളിൽ തുടർച്ചയായ ഉരുൾപൊട്ടലും മണ്ണിടിച്ചിലും ഉണ്ടാകുന്ന സാഹചര്യത്തിലാണ്​ നടപടി. പ്രതികൂല കാലാവസ്ഥയിലും അവധി ദിവസങ്ങളിലടക്കം നിരവധി സഞ്ചാരികൾ വിവിധ കേന്ദ്രങ്ങളിൽ എത്തുന്നുണ്ട്​. നിരോധനം ജില്ല അതിർത്തികളിൽ ഉൾപ്പെടെ കർശനമായി നടപ്പാക്കാൻ ജില്ല പൊലീസ്​ മേധാവി, ആർ.ടി.ഒ എന്നിവർക്ക്​ നിർദേശം നൽകി.