വെള്ളപ്പൊക്കം; മരണാനന്തര ചടങ്ങ്​ റോഡില്‍

കോട്ടയം: കാലവർഷക്കെടുതിയിൽ മരണാനന്തര കർമങ്ങൾ വീട്ടിൽ നടത്താനാകാതെ റോഡരികിൽ കർമങ്ങൾ നടത്തി ബന്ധുക്കൾ. തിരുവാർപ്പ്​ പഞ്ചായത്തിലെ 17ാം വാർഡിലെ ഇല്ലംപള്ളി ബാലകൃഷ്ണൻ തമ്പിയുടെ (95) അന്ത്യകർമങ്ങളാണ്​ മക്കളും ബന്ധുക്കളും ചേർന്ന്​ തൂമ്പേക്കളം പാലത്തിന്​ സമീപം നടത്തിയത്. കടികക്കോൽ പാടശേഖരത്ത് വിരിപ്പുകൃഷി ഇല്ലാത്തതിനാൽ വെള്ള​പ്പൊക്കം രൂക്ഷമാണ്. ഇതുമൂലം പൊതുദർശനവും അന്ത്യകർമങ്ങളും റോഡിൽ നടത്തി തിരുവാർപ്പ്​ ശാഖയുടെ ശ്മശാനത്തിൽ നീന്തിക്കയറിയാണ് മക്കൾ സംസ്കാരം നടത്തിയത്. ഭാര്യ: അമ്മുകുട്ടി (തോട്ടയ്ക്കാട്) മക്കൾ: സലിമോൻ, മോളി, സിന്ധു. മരുമക്കൾ: ശ്രീലേഖ മോഹനൻ, സജീവ്‌. p2 page ------------------------------------p4 page 'ബൈപാസ് റോഡ് തുറന്നുകൊടുക്കണം' മണർകാട്: മണർകാട്-പട്ടിത്താനം ബൈപാസ് റോഡ് നിർമാണം പൂർത്തിയാക്കി ഗതാഗതത്തിന് തുറന്നുകൊടുക്കണമെന്ന ആവശ്യം ശക്തം. മണർകാട്- പട്ടിത്താനം ബൈപാസ് റോഡ് നിർമാണം അന്തിമഘട്ടത്തിലാണെങ്കിലും ടാറിങ്​ ഇതുവരെ പൂർത്തിയാക്കിയിട്ടില്ല. മഴക്കാലത്തിനു മുമ്പുതന്നെ ടാറിങ്ങിനായി മെറ്റൽ വിരിച്ചെങ്കിലും പണി തുടങ്ങിയില്ല. ബൈപാസ് റോഡിന്‍റെ മൂന്നാം റീച്ചായ പാറക്കണ്ടം മുതൽ പട്ടിത്താനം വരെയാണ് ടാറിങ്​ നടത്താത്തത്. തവളക്കുഴി ഭാഗത്ത് വൻ ഗതാഗതക്കുരുക്കാണ് ഇപ്പോൾ അനുഭവപ്പെടുന്നത്. ബൈപാസ് റോഡ് എത്രയും പെട്ടെന്ന് തുറന്ന് ഗതാഗതക്കുരുക്കിനും അപകടങ്ങൾക്കും കുറവുവരുത്തണമെന്ന് പട്ടിത്താനം പൗരസമിതി ആവശ്യപ്പെട്ടു. ----------------------- സി.പി.ഐ ജില്ല സമ്മേളനം: പതാകജാഥ ഇന്ന് തലയോലപ്പറമ്പ്: ഏറ്റൂമാനൂരിൽ നടക്കുന്ന സി.പി.ഐ ജില്ല സമ്മേളന നഗറിലേക്കുള്ള പതാകജാഥ ആദ്യകാല പാർട്ടി നേതാവായ സി.എം. തങ്കപ്പന്‍റെ സ്മൃതിമണ്ഡപത്തിൽനിന്ന്​ പുറപ്പെടും. ശനിയാഴ്ച ഉച്ചക്ക് രണ്ടിന് വെള്ളൂരിൽ സി.എം. തങ്കപ്പന്‍റെ സ്മൃതിമണ്ഡപത്തിൽ ജില്ല എക്സി. അംഗം ടി.എൻ. രമേശൻ ജാഥ ക്യാപ്​റ്റന്‍ ജില്ല എക്സി. അംഗമായ ജോൺ വി. ജോസഫിന് പതാക കൈമാറി ജാഥ ഉദ്ഘാടനം ചെയ്യും. സ്വാഗതസംഘം പ്രസിഡന്‍റ്​ കെ.സി. സജി അധ്യക്ഷത വഹിക്കും. തലയോലപ്പറമ്പ്, കടുത്തുരുത്തി, കുറുപ്പന്തറ, കാണക്കാരി വഴി ഇരുചക്ര വാഹനങ്ങളുടെയും മറ്റു വാഹനങ്ങളുടെയും അകമ്പടിയോടെ വൈകീട്ട് അഞ്ചിന് പതാകജാഥ ഏറ്റുമാനൂരിൽ എത്തും. ജില്ല സെക്രട്ടറി സി.കെ. ശശിധരൻ പതാക ഏറ്റുവാങ്ങും. തുടർന്ന്​​ നടക്കുന്ന പൊതുസമ്മേളനം മന്ത്രി കെ. രാജൻ ഉദ്ഘാടനം ചെയ്യും. ----------------------- അനുസ്മരണ സമ്മേളനം വൈക്കം: അഡ്വ. വി.വി. സത്യൻ സ്മാരക ട്രസ്റ്റിന്‍റെ ആഭിമുഖ്യത്തിൽ കെ.പി.സി.സി അംഗവും വൈക്കം നഗരസഭ പ്രതിപക്ഷ നേതാവുമായിരുന്ന വി.വി. സത്യന്‍റെ മൂന്നാം ചരമവാർഷികദിനം ആചരിച്ചു. വൈക്കം പ്രൈവറ്റ് ബസ്​സ്റ്റാൻഡിൽ പ്രത്യേകം തയാറാക്കിയ മണ്ഡപത്തിൽ പുഷ്പാർച്ചന നടത്തി. തുടർന്ന് അനുസ്മരണ സമ്മേളനം നടത്തി. നഗരസഭ ചെയർപേ​​ഴ്​സൻ രാധിക ശ്യാം ഉദ്​ഘാടനം ചെയ്തു. ട്രസ്റ്റ് പ്രസിഡന്‍റ്​ അക്കരപ്പാടം ശശി അധ്യക്ഷത വഹിച്ചു.