'പായിപ്പാട് കവലയുടെ ശോച്യാസ്ഥ പരിഹരിക്കണം'

ചങ്ങനാശ്ശേരി: ചളിക്കുളമായ പായിപ്പാട് കവലയിലെ റോഡിന്റെ ശോച്യാവസ്ഥ പരിഹരിക്കണമെന്ന് മുസ്​ലിം ലീഗ് പായിപ്പാട് പഞ്ചായത്ത്‌ കമ്മിറ്റി ആവശ്യപ്പെട്ടു. പായിപ്പാട് കവലയുടെ ഹൃദയഭാഗത്ത്​ പൈപ്പ് ലൈനിനു വേണ്ടി എടുത്ത കുഴികളിൽ വെള്ളം കെട്ടിക്കിടന്ന്​ റോഡ് തകർന്നു. വാഹനയാത്രികർ അപകടത്തിൽപെടുന്നത്​ പതിവാണ്​. അടിയന്തര പരിഹാരം വേണമെന്ന് യോഗം ആവശ്യപ്പെട്ടു. പഞ്ചായത്ത്‌ കമ്മിറ്റി പ്രസിഡന്റ്‌ മുബാഷ് മുഹമ്മദ്‌, ഇസ്മായിൽ മുതിരപ്പറമ്പിൽ, പി.ടി. സലിം, അബ്ദുൽ അസീസ്, ഷെമീർ എം. ഇസ്മായിൽ, ഷിബിൻ, അൻവർ മുഹമ്മദ്‌, ആഷിഫ് ഖാൻ, അബ്ദുല്ല ഉസ്താദ്, സലാത്ത് തുടങ്ങിയവർ സംസാരിച്ചു.