ശബരിമലയിൽ നിറപുത്തരി ഉത്സവം നാളെ

പത്തനംതിട്ട: ശബരിമലയിൽ നിറപുത്തരി ഉത്സവത്തിന്​ ബുധനാഴ്ച നട തുറക്കും. വ്യാഴാഴ്ച പുലർച്ച 5.40നും ആറിനും മധ്യേയാണ് ചടങ്ങുകൾ. ബുധനാഴ്ച​ വൈകീട്ട്​ അഞ്ചിന്​ നട തുറക്കുന്നതല്ലാതെ പ്രത്യേക പൂജകൾ ഇല്ല. നാലിന് രാത്രി 10ന് ഹരിവരാസനം പാടി നടയടക്കും. പമ്പയിൽ ജലനിരപ്പ്​ ഉയർന്നത്​ തീർഥാടകരുടെ യാത്രക്ക്​ തടസ്സമാകുമോ എന്ന്​ ആശങ്കയുണ്ട്​. പമ്പാ സ്നാനം അനുവദിക്കില്ലെന്ന്​ ജില്ല ഭരണകൂടം അറിയിച്ചിട്ടുണ്ട്​.