കനത്ത മഴ: ഒറ്റപ്പെട്ട്​ മലയോര മേഖല

എരുമേലി: കനത്ത മഴയിൽ മണിമല, പമ്പ, അഴുത ആറുകൾ കരകവിഞ്ഞ് ഒഴുകിയതോടെ മലയോര മേഖലകൾ ഒറ്റപ്പെട്ടു. റോഡുകളും കോസ്​വേകളിലും വെള്ളം കയറിയതാണ് ഒറ്റപ്പെടലിന് കാരണം. അരയാഞ്ഞിലിമൺ, ഒഴക്കനാട്, മൂക്കംപെട്ടി കോസ്​വേകൾ വെള്ളത്തിനടിയിലായി. അരയാഞ്ഞിലിമൺ നിവാസികളാണ് പൂർണമായും ഒറ്റപ്പെട്ടത്. കൊരട്ടി റോഡിൽ വെള്ളം കയറിയതോടെ എരുമേലി - കാഞ്ഞിരപ്പള്ളി റോഡിലൂടെ ഗതാഗതം തടസ്സപ്പെട്ടു. എരുമേലി ടൗണിന് സമീപത്തെ വലിയതോട്ടിൽ ജലനിരപ്പ് ഉയർന്നതോടെ വ്യാപാരികൾ ആശങ്കയിലാണ്. നിരവധി വീടുകളിലും വെള്ളം കയറി. വലിയതോടി‍ൻെറ കൊരട്ടി ഭാഗത്ത് ജലനിരപ്പ് ഉയർന്നതോടെ സമീപത്തെ രണ്ട് കുടുംബങ്ങളെ കെ.ടി.ഡി.സിയിലേക്ക് മാറ്റിപ്പാർപ്പിച്ചു. വെള്ളപ്പൊക്ക ഭീഷണി നേരിടുന്ന പ്രദേശത്തെ ജനങ്ങളിൽ പലരും ബന്ധുവീടുകളിലേക്ക് മാറി. പ്രകൃതിദുരന്തം നേരിടുന്ന പ്രദേശം സെബാസ്റ്റ്യൻ കുളത്തുങ്കൽ എം.എൽ.എ സന്ദർശിച്ചു. ചിത്രം: 1) ഒഴക്കനാട് കോസ്​വേയിൽ വെള്ളം കയറിയ നിലയിൽ 2) കൊരട്ടി റോഡിൽ വെള്ളം കയറി ഗതാഗതം തടസ്സപ്പെട്ടപ്പോൾ