മീനച്ചിലാർ കരകവിഞ്ഞു: പാലാ വെള്ളപ്പൊക്ക ഭീഷണിയിൽ

പാലാ: തുടർച്ചയായി പെയ്യുന്ന കനത്ത മഴയിൽ മീനച്ചിലാർ കരകവിഞ്ഞൊഴുകി. സമീപത്തെ റോഡുകളിലും കൃഷിയിടങ്ങളിലും വെള്ളം കയറി.ഏറ്റുമാനൂർ-പൂഞ്ഞാർ പാതയിലെ പാലാ മൂന്നാനിയിൽ റോഡിൽ വെള്ളം കയറി. തിങ്കളാഴ്ച വൈകീട്ടോടെ വാഹനഗതാഗതം ഭാഗികമായി തടസ്സപ്പെട്ടു. ഭരണങ്ങാനം-ഇടമറ്റം റോഡിൽ വിലങ്ങുപാറ, ഇടപ്പാടി, ചേർപ്പുങ്കൽ, കിടങ്ങൂർ ഭാഗങ്ങളിലെ താഴ്ന്ന പ്രദേശങ്ങളിൽ വെള്ളം കയറി. മുൻ വർഷങ്ങളിലെ വെള്ളപ്പൊക്ക അനുഭവമുള്ളതിനാൽ പാലാ നഗരത്തിലെ വ്യാപാരികൾ ജാഗ്രതയിലാണ്.