അഗ്നിപഥിനെതിരെ നൈറ്റ് മാർച്ച്

ഈരാറ്റുപേട്ട: കേന്ദ്രസർക്കാർ യുവജനങ്ങളെ വഞ്ചിക്കുന്ന അഗ്നിപഥ് പദ്ധതി പിൻവലിക്കണമെന്ന്​ ആവശ്യപ്പെട്ട് ഇടത് യുവജന സംഘടനകൾ നൈറ്റ് മാർച്ച് സംഘടിപ്പിച്ചു. വെള്ളിയാഴ്ച വൈകീട്ട് ഈരാറ്റുപേട്ടയിൽ നടത്തിയ മാർച്ച്‌ എ.ഐ.വൈ.എഫ് സംസ്ഥാന ജോയന്റ് സെക്രട്ടറി ശുഭേഷ് സുധാകരൻ ഉദ്‌ഘാടനം ചെയ്തു. അരുവിത്തുറയിൽനിന്ന്​ ആരംഭിച്ച പ്രകടനം ടൗൺചുറ്റി മുട്ടം കവലയിൽ അവസാനിച്ചു. ഡി.വൈ.എഫ്.ഐ ജില്ല വൈസ് പ്രസിഡന്റ്‌ മിഥുൻ ബാബു അധ്യക്ഷതവഹിച്ചു. ----- ഫോട്ടോ അഗ്നിപഥ് പദ്ധതിക്കെതിരെ ഇടത് യുവജന സംഘടനകൾ ഈരാറ്റുപേട്ടയിൽ സംഘടിപ്പിച്ച നൈറ്റ് മാർച്ച് എ.ഐ.വൈ.എഫ് സംസ്ഥാന ജോയന്റ് സെക്രട്ടറി ശുഭേഷ് സുധാകരൻ ഉദ്‌ഘാടനം ചെയ്യുന്നു